Süd vəzi xərçənginin adjuvant hormonal müalicəsində vacib sual cavablandı

Menopauzadan sonra qadınlarda hormona həssas süd vəzi xərçəngində qoruyucu (adjuvant), yəni təkrarı azaltmaq üçün istifadə edilən 3 müxtəlif aromataza fermenti blokatorunun bir-birindən üstünlüyü ilk dəfə birbaşa müqayisəli tədqiqatda araşdırıldı.

Tədqiqat, Lancet Oncology-də 23 Fevral 2018-də yayımlandı. Əməliyyatdan sonra hormon reseptor-pozitiv süd vəzi xərçəngi olan 3697 xəstə 9 Mart 2007 ilə 31 İyul 2012 arasında 76 İtaliya onkologiya mərkəzində daxil edildi. İştirakçılar tez-tez seçilən altı müalicə qrupundan birinə randomizə edildi.

-Əlaqəli mövzu:  Süd vəzi xərçəngində hormonal müalicə növləri

İtaliya tədqiqat komandası, postmenopauzal hormon reseptor-pozitiv erkən süd vəzi xərçəngində üç adjuvant aromataza inhibitorunun ilk birbaşa müqayisəsində klinik effektivlik və təhlükəsizlikdə əhəmiyyətli fərq göstərmədiyinibildirdi.

Geniş istifadə edilən üç hormon dərmanı letrozol (Femara), anastrazol (Arimidex) və eksemestan (Aromasin), 3700 qadının randomizə olunduğu açıq etiketli Faza 3 FATA-GIM3 klinik tədqiqat-ında yoxlanıldı. 5 illik təkrarsız sağqalım anastrozolda %90, eksemestanda %88, letrozolda %89.4 tapıldı.

Üç dərmanla əlaqəli gözlənilməz ciddi yan təsirlər və ya müalicəyə bağlı ölüm tapılmadı. Xəstələrin %50-dən çoxu artıq çəkili və ya piylənməli olsa da, alt qruplarda fərq görülmədi.

Rutin praktikadakı digər strategiya da sınaqdan keçirildi. 2 il tamoksifen sonrası 3 il bu üç dərmandan biri ilə davam tək dərmanın 5 illik istifadəsi ilə müqayisə edildi. Bu baxımdan da mühüm qeyri-müəyyənlik aydınlaşdı və effektivlik fərqi görülmədi. 5 il əzələ və skelet sistemi ilə əlaqəli yan təsirlər aromataza inhibitoru adlanan üç dərmanın 5 illik istifadəsində çox, 2 il tamoksifən sonrası 3 il inhibitor alanlarda isə az görüldü.

Tədqiqat hər iki strategiyanın statistik oxşar və klinik uyğun olduğunu göstərir.

Sonda tədqiqatçılar;

• tamoksifenin hələ yaxşı seçim olduğunu,
• xəstə seçimlərinin də nəzərə alınmalı olduğunu və
• üç dərman arasındakı seçimdə və ya yan təsirə görə birinin digəri ilə dəyişdirilməsinin mənfi təsir yaratmayacağını vurğuladı.

Cəmi 1847 iştirakçı birbaşa üç aromataza inhibitorundan biri ilə başlayıb 5 il istifadə etdi. Onlar 5 il gündə bir dəfə oral anastrozol 1 mg, eksemestan 25 mg və ya letrozol 2.5 mg aldı. Birbaşa tamoksifenlə başlayan 1850 xəstə 2 il tamoksifen 20 mg/gün sonrası 3 il gündə bir dəfə oral anastrozol 1 mg, eksemestan 25 mg və ya letrozol 2.5 mg aldı.

Yan təsirə görə erkən dayandırma tamoksifen alanlarda % 11, aromataza inhibitorlarında % 7 idi. Tamoksifen sonrası inhibitor alanlarda erkən dayandırma %5-lər səviyyəsində idi.

Bu tədqiqat menopauzadan sonra aşkarlanıb əməliyyat edilən hormon pozitiv süd vəzi xərçəngi xəstələrində qoruyucu hormonal strategiyamızın mühüm qeyri-müəyyənliyini aydınlaşdırması ilə dəyərlidir. Elm hər gün xəstələrimizə yeni işıq verməyə davam edir.

Əlaqəli mövzular

Süd vəzi xərçənginin müalicəsində yeniliklər - 2017 və 2018

Süd vəzi xərçəngi əməliyyatından sonra kimyaterapiya almayacaq xəstələri necə müəyyən edirik?