ახალი სუნთქვა კიბოს მკურნალობაში უჯრედის პროგრამირებული სიკვდილის (აპოპტოზის) გზით
ამ სტატიაში
კიბოს მკურნალობის მეთოდების საბოლოო მიზანია სიმსივნური უჯრედების სიკვდილის მექანიზმების ამოქმედება და აპოპტოზი (უჯრედის პროგრამირებული სიკვდილი) ერთ-ერთი ასეთი მექანიზმია. თუმცა კიბოს მრავალ ტიპში დიდი რაოდენობით აპოპტოზის შემაფერხებელი ცილები გამომუშავდება. აპოპტოზისგან თავის არიდება, კიბოს 10 ძირითად თვისებასშორისაა. მათ აპოპტოზის დამთრგუნველი ცილები (IAP) ეწოდება.
Debio 1143 კოდური სახელწოდების წამლის კანდიდატი პერორალურად მისაღები, აპოპტოზის დამთრგუნველი ცილების აქტივობის შემცირებით სიმსივნური უჯრედების ქიმიორადიოთერაპიისადმი (ქიმიოთერაპია თანადროული რადიოთერაპიით) და იმუნოთერაპიისადმი მგრძნობიარედ ქცევის გზით მკურნალობის გაძლიერების მოლეკულაა. დეტალური კვლევები აჩვენებს, რომ Debio 1143 არა მხოლოდ აპოპტოზს ააქტიურებს, არამედ სიმსივნის საწინააღმდეგო თვისებების მქონე T ლიმფოციტების აქტივობის გაზრდით უფრო ძლიერ იმუნურ პასუხსაც უწყობს ხელს. თაგვის მოდელების კვლევებში Debio 1143-ის იმუნური საკონტროლო წერტილების ინჰიბიტორებთან (nivolumab ან სხვა anti-PD-L1 აგენტებთან) ერთად გამოყენებამ სიმსივნის მოცულობა მნიშვნელოვნად შეამცირა და რამდენიმე აგენტის კომბინაციით მკურნალობის წარმატება უფრო მაღალი აღმოჩნდა.
ფაზა-2 კვლევა
ძუძუსა და კოლონის კიბოს მოდელებში ეფექტიანი Debio 1143-ის თავისა და კისრის კიბოებში ეფექტიანობის დასადგენად კვლევაში ჩაერთნენ გარკვეული ასაკის, მანამდე უმკურნალო ბრტყელუჯრედოვანი თავისა და კისრის კიბოს პაციენტები. ისინი ორ ჯგუფად გაიყვნენ: ერთმა სტანდარტული მკურნალობა პლუს პლაცებო მიიღო, მეორემ დამატებით Debio 1143. ორივე ჯგუფმა მაღალი დოზის ცისპლატინის ქიმიორადიოთერაპია მიიღო.
მკურნალობის დასრულებიდან 24 თვის დაკვირვებისას Debio 1143-ის ჯგუფისთვის ჯერ პროგრესირების გარეშე გადარჩენისა და საერთო გადარჩენის მაჩვენებლები არ გამოქვეყნებულა, რადგან ნახევარზე მეტი პასუხს ინარჩუნებდა. თუმცა ჯგუფებს შორის სტატისტიკურად მნიშვნელოვანი განსხვავებაა და Debio 1143 სტანდარტული ქიმიორადიოთერაპიის სიმსივნის საწინააღმდეგო ეფექტს აძლიერებს.
მაღალი რისკის ჯგუფში აპოპტოზის შემაფერხებელი ცილების დათრგუნვით ეფექტიანობის გამაძლიერებელი Debio 1143 მაღალი დოზის ცისპლატინისა ან რადიოთერაპიის ეფექტიანობას არ ცვლის და მის გვერდით ეფექტებს მართვადად აღწერენ. ფაზა 2 კლინიკური კვლევისშედეგების გამოქვეყნებისას მკვლევრები აცხადებენ, რომ ფაზა 3-ზე გადავლენ და ახალი მკურნალობის განსაზღვრას ისახავენ მიზნად.
დასკვნა
თავისა და კისრის კიბოს გარდა Debio 1143-ის ეფექტიანობას ფილტვის წვრილუჯრედოვან კიბოში, კუჭ-ნაწლავის კიბოებში, პლატინარეზისტენტულ საკვერცხის კიბოში, საშვილოსნოს კიბოში, პერიტონეუმის (მუცლის ფარის) კიბოში ან საშვილოსნოს ყელის კიბოს მსგავს სხვა სოლიდურ სიმსივნეებში კლინიკურად ცდიან. გამოქვეყნებული შედეგები უაღრესად ამაღელვებელი და იმედისმომცემია. ამერიკის სურსათისა და წამლების ადმინისტრაციაც (FDA) მხარს უჭერს ამ სფეროს კვლევებს და გრანტებს გასცემს. მომავალმა დადებითმა პასუხებმა შეიძლება გახსნას გზა Debio 1143-ის არა მხოლოდ საკონტროლო წერტილის ინჰიბიტორებთან, არამედ იმუნოთერაპიის სხვა მეთოდებთან კომბინირებისთვის და სოლიდურ სიმსივნეებში ხშირი სამკურნალო რეზისტენტობის დაძლევაში დაგვეხმაროს.
წყაროები
Debio 1143 and high-dose cisplatin chemoradiotherapy in high-risk locoregionally advanced squamous cell carcinoma of the head and neck: a double-blind, multicentre, randomised, phase 2 study.
Lancet Oncol. 1–15 (2020)
ეს სტატია სასარგებლო იყო თქვენთვის?
თქვენი გამოხმაურება გვეხმარება შინაარსის გაუმჯობესებაში.
მკითხველთა კომენტარები
გაგვიზიარეთ თქვენი კომენტარი
თქვენი სახელი და კომენტარი მხოლოდ ადმინისტრატორის დამტკიცების შემდეგ გამოქვეყნდება. ელფოსტის მისამართი ვიზიტორებს არასოდეს ეჩვენებათ.
პირველმა დაწერეთ კომენტარი.