იმუნოთერაპიისა და მიზნობრივი წამლის კომბინაცია 4. სტადიის თირკმლის კიბოს პირველი ხაზის მკურნალობად
ამ სტატიაში
თემაში სწრაფად გასარკვევად 4. სტადიის თირკმლის კიბოს მკურნალობის შემაჯამებელი ჩვენი ინფოგრაფიკული პოსტერისგაცნობა სასარგებლო იქნება.
იმუნური სისტემის საკონტროლო წერტილებიდან PD-L1-ის დამბლოკავი იმუნოთერაპიის წამლის აველუმაბის (Bavencio) და ტიროზინკინაზის ინჰიბიტორად მოქმედი მიზნობრივი აბის, აქსიტინიბის (Inlyta) კომბინაციამ მანამდე უმკურნალებელ შორსწასული (4. სტადიის) თირკმელუჯრედოვანი კარცინომის პაციენტებში პროგრესირების გარეშე გადარჩენა მნიშვნელოვნად გააუმჯობესა, რაც ESMO 2018 კონგრესზეშედეგებწარდგენილ JAVELIN Renal 101 სახელწოდების ფაზა-3 კლინიკურ კვლევაში აჩვენეს.
შორსწასული თირკმლის კიბოს მკურნალობის მრავალი არჩევანის მიუხედავად, 5-წლიანი გადარჩენა დაახლოებით % 10-ია. ამიტომ ბოლო წლებში გაჩნდა ქიმიოთერაპიაზე ბევრად წინ წასული ახალი მკურნალობების — მიზნობრივი წამლებისა და იმუნოთერაპიის — გაერთიანების იდეა.
კვლევის დეტალები
მეტასტაზური თირკმლის კიბოს 886 პაციენტი პროგნოზულ (მიმდინარეობის პროგნოზირების) 3 ჯგუფად — კარგი, საშუალო და ცუდი რისკის — დაიყო, კვლევაში ჩაერთო და პირველ ხაზში იმუნოთერაპია+მიზნობრივი წამალი ან მხოლოდ მიზნობრივი წამალი მიიღო.
აველუმაბი ყოველ ორ კვირაში 10 mg / kg + დღეში ორჯერ პერორალური 5 mg აქსიტინიბთან კომბინაციით 442 პაციენტს მიეცა. საკონტროლო ჯგუფის 444 პაციენტს დღეში ერთხელ 50 mg სუნიტინიბი 4 კვირით ეძლეოდა, შემდეგ 2 კვირით შეჩერდებოდა. კვლევის პირველადი (მთავარი) მაჩვენებელი PD-L1 დადებითებში 30 თვემდე პროგრესირების გარეშე და 5 წლამდე საერთო გადარჩენის ხანგრძლივობა იყო.
კვლევის შედეგების შეჯამება
- PD-L1 დადებით პაციენტებში პროგრესირების გარეშე გადარჩენის (მკურნალობით დაავადების კონტროლის) მედიანური ხანგრძლივობა აველუმაბი + აქსიტინიბის ჯგუფში 13.8 თვე იყო, მხოლოდ სხვა მიზნობრივი წამლის, სუნიტინიბის (Sutent), ჯგუფში კი 7.2 თვე.
- PD-L1 დონისგან დამოუკიდებლად პროგრესირების გარეშე გადარჩენის მედიანა შესაბამისად 13.8 თვე და 8.4 თვე იყო.
- PD-L1 დადებით პაციენტებში იმუნოთერაპიის კომბინაციამ გაუარესების რისკი % 39-ით, PD-L1 დონის მიუხედავად კი % 31-ით შეამცირა.
- მკურნალობაზე ობიექტური პასუხი % 55.2, შედარებით % 25.5-თან, აღმოჩნდა.
- მკურნალობის შემდეგ განვითარებული 3. და მეტი ხარისხის გვერდითი ეფექტები ორივე ჯგუფში % 71 იყო; გვერდითი ეფექტების გამო შეწყვეტა კომბინაციის ჯგუფში % 22, მხოლოდ მიზნობრივი წამლის ჯგუფში კი % 13 აღმოჩნდა.
JAVELIN Renal 101 პირველი დადებითი შედეგების მქონე ფაზა-3 კლინიკური კვლევაა, რომელმაც შორსწასული თირკმლის კიბოს პირველ ხაზში იმუნოთერაპია ტიროზინკინაზის ინჰიბიტორ მიზნობრივ წამალთან გააერთიანა.
იმუნოთერაპია + მიზნობრივი წამლის ამ კომბინაციის სარგებელი კვლევაში მონაწილე ყველა ქვეჯგუფსა და როგორც PD-L1 დადებითი, ისე უარყოფითი სიმსივნური უჯრედების მქონე პაციენტებში აჩვენეს.
დასკვნა
ეს მონაცემები კიბოს მკურნალობაში იმუნოთერაპიისა და მიზნობრივი წამლის კომბინაციის აქამდე საუკეთესო შედეგებია. პასუხის მაჩვენებლები შორსწასული თირკმლის კიბოს სხვა სტანდარტულ პირველხაზოვან მკურნალობებზე უკეთესია და პროგრესირების გარეშე გადარჩენა რანდომიზებული ფაზა-3 კვლევისთვის ძალიან კარგია. ეს მიდგომა მეტასტაზური თირკმლის კიბოს პირველ ხაზში ახალი ეფექტიანი კომბინაციების უფრო ადრე მიცემას ითვალისწინებს, თუმცა კლინიკაში ასახვა სავარაუდოდ პროგრესირების გარეშე გადარჩენის საერთო გადარჩენაზე გავლენის დანახვის შემდეგ მოხდება.
წყაროები
JAVELIN Renal 101: A randomized, phase III study of avelumab + axitinib vs sunitinib as first-line treatment of advanced renal cell carcinoma (aRCC).
ESMO 2018 Congress, Abstract LBA6_PR
ეს სტატია სასარგებლო იყო თქვენთვის?
თქვენი გამოხმაურება გვეხმარება შინაარსის გაუმჯობესებაში.
მკითხველთა კომენტარები
გაგვიზიარეთ თქვენი კომენტარი
თქვენი სახელი და კომენტარი მხოლოდ ადმინისტრატორის დამტკიცების შემდეგ გამოქვეყნდება. ელფოსტის მისამართი ვიზიტორებს არასოდეს ეჩვენებათ.
პირველმა დაწერეთ კომენტარი.