იმუნოთერაპიით ფილტვის კიბოს მქონე ყოველ 4 პაციენტში ერთმა 5 წელზე მეტ სიცოცხლეს მიაღწია

ადრე უმკურნალებელი ფილტვის არაწვრილუჯრედოვანი კიბოს (KHDAK) მქონე პაციენტების დაახლოებით მეოთხედი პემბროლიზუმაბის (Keytruda) იმუნოთერაპიით სულ მცირე 5 წელი ცოცხლობს და ეს მაჩვენებელი PD-L1 დადებითი სიმსივნეების მქონე პაციენტებში უფრო მაღალია. სანამ იმუნოთერაპიები ფილტვის გვიანი სტადიის კიბოში გამოიყენებოდა, 5-წლიანი გადარჩენა მხოლოდ დაახლოებით %5 იყო.

ამერიკის კლინიკური ონკოლოგიის საზოგადოების (ASCO) 2019 წლის კონგრესზე წარდგენილი ეს შედეგები ფილტვის გვიანი სტადიის არაწვრილუჯრედოვან კიბოში (KHDAK) პემბროლიზუმაბისხანგრძლივი ეფექტიანობისა და უსაფრთხოების მონიტორინგის მქონე KEYNOTE- 001 სახელწოდების კლინიკური კვლევიდანიქნა მიღებული.

ბოლო 1-2 წლამდე, მეტასტაზური (4-ე სტადიის) KHDAK-ის მქონე პაციენტის ნახვისას საკმაოდ პირქუში სურათის დახატვა გვიწევდა, რომ 5 წლის გადარჩენის შანსი %5 ან ზოგჯერ ნაკლები იქნებოდა.

ახლა, ამ მონაცემების მიხედვით, პემბროლიზუმაბით ნამკურნალებ გვიანი სტადიის KHDAK-ის მქონე ყოველ 4 პაციენტში 1 სულ მცირე 5 წელს იცოცხლებს, რაც ფილტვის კიბოსადმი ჩვენს ხედვას შეცვლის.

KEYNOTE- 001 კვლევის შეჯამება

• კვლევა თავდაპირველად, EGFR ან ALK გენის მუტაციების არმქონე 550 პაციენტისგან შედგებოდა, რომელთაგან 100-ზე მეტი კვლევის დასაწყისში ადრე უმკურნალებელი პაციენტი იყო.
• ASCO 2019-ზე წარმოდგენილი იყო მონაცემები მედიანურად 60-თვიანი დაკვირვების შემდეგ ჯერ კიდევ ცოცხალი 100 პაციენტის შესახებ. ეს პაციენტები პემბროლიზუმაბს სულ მცირე 2 წელი იღებდნენ.
• 5-ე წლის ბოლოს მკურნალობა-ნაივური (ადრე უმკურნალებელი) პაციენტების % 23; ადრე ნამკურნალებთა კი % 16 კვლავ ცოცხალი იყო.
• ეს მაჩვენებელი PD-L1 სულ მცირე %50 დადებითობის მქონეებში მკურნალობა-ნაივური პაციენტებისთვის %30-მდე და ადრე ნამკურნალებებში %25-მდე გაიზარდა. 
• PD-L1 დადებითობის %1-დან %49-მდე მქონე ადრე ნამკურნალები პაციენტების 5-წლიანი გადარჩენა %13 იყო, ხოლო მკურნალობა-ნაივურებში ეს დრო %16 იყო.
• კერძოდ, სულ მცირე 2 წლის განმავლობაში პემბროლიზუმაბის მიმღებ პაციენტებში 5-წლიანი საერთო გადარჩენა მკურნალობა-ნაივურებში % 78.6, ადრე ნამკურნალებებში კი %75.8 აღმოჩნდა.
• იმუნოთერაპიასთან დაკავშირებული გვერდითი ეფექტი 92 პაციენტში (%17) დაფიქსირდა; ყველაზე ხშირი გვერდითი ეფექტი ჰიპოთირეოზი იყო (%9). ყველაზე მძიმე გვერდითი ეფექტი პნევმონიტი იყო, თუმცა პაციენტთა % 5-ზე ნაკლებში გამოვლინდა.
• გვერდითი ეფექტების თვალსაზრისით პემბროლიზუმაბს მოულოდნელი „გრძელვადიანი“ გვერდითი ეფექტი არ გამოუწვევია.

- დაკავშირებული თემა: რა გვერდითი ეფექტები აქვს იმუნოთერაპიის წამლებს და როგორ მკურნალობენ მათ?

კომენტარი

ვხედავთ, რომ იმუნოთერაპიებმა ფილტვის კიბოს ჩათვლით 10-ზე მეტი ძირითადი ტიპის კიბოს ბედი 5 წლის განმავლობაში მნიშვნელოვნად შეცვალა. სულ მცირე 2 წლის განმავლობაში პემბროლიზუმაბით ნამკურნალებ ფილტვის არაწვრილუჯრედოვანი კიბოს მქონე პაციენტებში პასუხის მაჩვენებლები შესამჩნევად მაღალია; თუმცა სრული პასუხის მაჩვენებლები მცირეა. რადიოლოგიურად აშკარა პასუხის მქონე, მაგრამ სრულად არგამქრალი მეტასტაზების გრძელვადიანი ბედი გარკვეულწილად გაურკვეველია. ამ სიმსივნური წარმონაქმნების ბიოფსიისას ზოგი აქტიური კიბოა, ზოგში კი ნაწიბუროვანი ქსოვილი ან გრანულომა აღინიშნება. ეს მომავალი კვლევებისთვის საინტერესო სფერო შეიძლება იყოს. ასევე PD-L1 დადებითობის %1-დან %49-მდე მქონე პაციენტების ყველაზე იდეალური მკურნალობის გასარკვევად — საჭიროა თუ არა ქიმიოთერაპიასთან კომბინაციაში მიცემა — ამ საკითხზე მიმდინარე კვლევების შედეგებს უნდა დაველოდოთ.