კუჭის კიბოს მკურნალობაში იმუნოთერაპიით პლუს ჭკვიანი წამლით – pembrolizumab და lenvatinib – პასუხის მაღალი მაჩვენებლები

The Lancet Oncologyჟურნალში აღწერილ, იაპონიაში ერთ ცენტრში ჩატარებულ ფაზა II კლინიკურ კვლევაშიKawazoe-მ და კოლეგებმა პირველი ან მეორე ხაზის მკურნალობად lenvatinib და pembrolizumab კომბინაციის მიმღებ შორს წასული კუჭის კიბოს მქონე პაციენტებში ობიექტური პასუხის მაღალი მაჩვენებელი აღმოაჩინეს.

შეჯამებული შედეგი

• პაციენტთა %69-ში ობიექტური პასუხი, დანარჩენებში კი სტაბილური დაავადება გამოვლინდა.
• PD-L1 CPS მაჩვენებელი ≥1-ის მქონე პაციენტებში პასუხის მაჩვენებელი %84 იყო, CPS <1-ის მქონეებში კი %40.

კვლევის დეტალები

კვლევაში 2018 წლის ოქტომბრიდან 2019 წლის მარტამდე მეტასტაზური (შორს წასული სტადიის) კუჭის ან გასტროეზოფაგური შეერთების ადენოკარცინომის მქონე 29 პაციენტი ჩაერთო. კიბოს პროგრესირებამდე ან მიუღებელ გვერდით ეფექტამდე პაციენტებს დღეში 20 mg lenvatinib (ჭკვიანი წამალი) და ყოველ 3 კვირაში 200 mg pembrolizumab (იმუნოთერაპია) ეძლეოდათ. კვლევის პირველადი საზომი საბოლოო წერტილი ობიექტური პასუხის მაჩვენებელია.

შედეგები

• მეთვალყურეობის მედიანური დრო 12.6 თვე იყო.
• 29 პაციენტიდან 20-ში (% 69) ობიექტური პასუხი, 1 პაციენტში სრული პასუხი გამოვლინდა.
• დამატებით ცხრა პაციენტში (% 31) სტაბილური დაავადება გამოვლინდა.
• პირველი ხაზით ამ ორმაგი მკურნალობის მიმღები 14 პაციენტიდან 10-ში (% 71), მეორე ხაზით მიმღები 15 პაციენტიდან კი 10-ში (% 67) პასუხი გამოვლინდა.
• მედიანური პროგრესირების გარეშე (გაუარესების გარეშე) გადარჩენა 7.1 თვე იყო.
• საერთო გადარჩენის მედიანურ ხანგრძლივობას ვერ მიაღწიეს.

შემდგომ ანალიზში PD-L1 დადებითი 19 პაციენტიდან 16-ში (% 84) და PD-L1 უარყოფითი 10 პაციენტიდან 4-ში (% 40) ობიექტური პასუხი გამოვლინდა. ამ პაციენტებში პროგრესირების გარეშე გადარჩენის მედიანა შესაბამისად 9.1 და 5.9 თვე იყო. სიმსივნის მუტაციური დატვირთვა (TMB) მონაცემების მქონე 21 პაციენტის შეფასებისას მაღალი TMB ქულის 11 პაციენტიდან 9-ში (% 82) და დაბალი TMB ქულის 10 პაციენტიდან 6-ში (% 60) პასუხი გამოვლინდა.

გვერდითი ეფექტები

მკურნალობასთან დაკავშირებული 3. ხარისხის (სერიოზული) გვერდითი ეფექტები 14 პაციენტში (% 48) განვითარდა; ყველაზე ხშირი იყო 11 პაციენტში (%38) ჰიპერტენზია, 5-ში (%17) პროტეინურია და 2-ში (%7) თრომბოციტების რაოდენობის შემცირება. მკურნალობასთან დაკავშირებული 4. ხარისხის გვერდითი ეფექტი არ გამოვლენილა.

2. ხარისხის სიყვითლის, 3. ხარისხის გულის უკმარისობის, 3. ხარისხის კუჭის სისხლდენისა და ერთ პაციენტში კუჭის პერფორაციის (გახვრეტის) სახით ოთხ პაციენტში (% 14) სერიოზული გვერდითი ეფექტები გამოვლინდა; არც ერთი მოვლენა მკურნალობასთან დაკავშირებულად არ ჩაითვალა. მკურნალობით გამოწვეული სიკვდილი არ დაფიქსირებულა.

საბოლოოდ lenvatinib პლუს pembrolizumab-მა შორს წასული კუჭის კიბოს პაციენტებში მისაღები უსაფრთხოების პროფილით იმედისმომცემი სიმსივნის საწინააღმდეგო აქტივობა აჩვენა. ამ შედეგების საფუძველზე მომავალში დამადასტურებელი, უფრო ფართო ფაზა-III კლინიკური კვლევა დაიგეგმება.

*

პერორალურად აბის სახით მისაღებ ჭკვიანი კიბოს წამლების კლასის lenvatinib-ს (Lenvima) ადრე 2015 წელს ფარისებრი ჯირკვლის კიბოში, 2016 წელს თირკმლის კიბოში everolimus-თან ერთად, 2018 წელს ღვიძლის კიბოში და 2019 წელს საშვილოსნოს კიბოში pembrolizumab-თან ერთად FDA დამტკიცებები ჰქონდა მიღებული. Lenvatinib უჯრედის მემბრანაზე არსებული ტიროზინკინაზის რეცეპტორად წოდებული რეცეპტორის მუშაობის აღკვეთით მოქმედებს. ტიროზინკინაზის რეცეპტორები ზოგადად კიბოს უჯრედის ზრდაში, გამრავლებაში, ახალი სისხლძარღვების წარმოქმნაშიდა შორეულ ქსოვილებში გავრცელებაში მონაწილეობს.

*

გარე შინაარსის სანახავად მართეთ პარამეტრები

გარე შინაარსის სანახავად მართეთ პარამეტრები