Cabozantinib tiroid xərçəngi üçün FDA təsdiqi aldı

Əvvəlki VEGFR-hədəfli müalicədən sonra irəliləmiş, radioaktiv yod müalicəsinəuyğun olmayan və ya müqavimətli, metastatik və ya yerli irəliləmiş diferensiasiya olunmuş, yəni fərqliləşmiş tiroid xərçəngi olan 12 yaş və daha yuxarı yetkin və pediatrik xəstələr üçün cabozantinib (Cabometyx, Exelixis, Inc.) dərmanı 17 sentyabr 2021-ci ildə FDA təsdiqi aldı.

Qeyd: Fərqliləşmiş tiroid xərçənglərinə papillyar, follikulyar və medullyar tiroid xərçəngi daxildir.

COSMIC-311 tədqiqatı ilə gələn FDA təsdiqi

Effektivlik əvvəlki VEGFR-hədəfli müalicədən sonra irəliləmiş, radioaktiv yoda müqavimətli, yerli irəliləmiş və ya metastatik fərqliləşmiş tiroid xərçəngi olanlarda randomizə edilmiş (2:1), ikiqat kor, plasebo nəzarətli, çoxmərkəzli COSMIC-311 tədqiqatında qiymətləndirildi. Xəstələr irəliləmə və ya dözülməz yan təsirə qədər ən yaxşı dəstəkləyici qayğı ilə gündə bir dəfə oral 60 mg kabozantinib və ya plasebo almaq üçün təsadüfi bölündülər.

Əsas effektivlik meyarları müalicə niyyətli xəstə qrupunda irəliləməsiz sağqalma (PFS) və ilk 100 randomizə edilmiş xəstədə RECIST 1.1 əsasında kor müstəqil radioloji komitənin qiymətləndirdiyi ümumi cavab göstəricisi idi.

Nəticələr

Cabometyx plasebo ilə müqayisədə xəstəliyin irəliləməsi və ya ölüm riskini əhəmiyyətli dərəcədə azaltdı (p<0,0001).

Cabozantinib qolunda median irəliləməsiz sağqalma müddəti 11 ay (%95 etibar intervalı: 7.4, 13.8), plasebo alanlarda 1.9 ay (%95 etibar intervalı 1.9, 3.7) idi.

Ümumi cavab göstəricisicabozantinib və plasebo qollarında müvafiq olaraq %18 (%95 etibar intervalı: %10, %29) və %0 (%95 etibar intervalı %0, %11) oldu.

Ən geniş yayılmış (≥%25) arzuolunmaz reaksiyalar ishal, palmar-plantar eritrodizesteziya (PPE), yorğunluq, hipertoniya və stomatitdir. Dərman təlimatına hipokalsemiya xəbərdarlığı əlavə edilib.

Tək vasitə kimi tövsiyə olunan kabozantinib dozasıxəstəlik irəliləyənə və ya qəbuledilməz toksiklik yaranana qədər gündə bir dəfə 60 mg-dır. Pediatrik xəstələrdə, 12 yaş və daha yuxarı, bədən səthi 1.2 m2-dən az olduqda, eyni müddət üçün gündə bir dəfə 40 mg tövsiyə olunur.

Cabozantinibin təsir mexanizmi necədir?

Cabozantinib bu tirozin kinaza fermentlərini basdıraraq hüceyrə böyümə və çoxalmasına mane olur: şişi qidalandıran yeni damarların yaranmasında iştirak edən VEGFR 1, 2 və 3; MET və AXL.

Cabozantinib bu təsdiqdən əvvəl;

• ilk olaraq 2016-cı ildə irəliləmiş böyrək xərçəngi,
• 2017-ci ildə əvvəl müalicə almamış irəliləmiş böyrək xərçəngi,
• 2019-cu ildə əvvəl müalicə almış irəliləmiş qaraciyər xərçəngi və
• 2021-ci ildə irəliləmiş böyrək xərçənginin birinci xətt müalicəsində nivolumab ilə birlikdə FDA təsdiqi almışdı.

Cabozantinib nadir xərçənglərdən medullyar tiroid xərçənginin müalicəsi üçün də 2012-ci ildə FDA təsdiqi alıb və Cometriq adı ilə satılır. Cometriq və Cabometyx fərqli formulyasiyalardır və bir-birini əvəz edə bilməz.