Ən sağlam qidalanma proqramları siyahısı 2018 – adı tez-tez eşidilən pəhrizlər haradadır?

US News hər il olduğu kimi bu ilin əvvəlində də Ən yaxşı pəhrizlər siyahısını açıqladı. Siyahını diabet, ürək sağlamlığı və çəki itkisi üzrə ixtisaslaşmış aparıcı qidalanma mütəxəssisləri, pəhriz məsləhətçiləri və həkimlərin daxil olduğu, 20-dən çox mütəxəssisdən ibarət komanda hazırladı. Tibbi elmi nəşrləri və hesabatları aylarla araşdıraraq hər pəhriz üçün profil hazırlayan redaktorların bu il necə siyahı hazırladığına gəlin birlikdə baxaq.

Dukan, ketogen və ya qələvi pəhriz kimi pəhrizlər yerli və beynəlxalq xəbərlərdə və sosial mediada ən sağlam, sürətlə arıqladan pəhrizlər kimi təqdim olunur. Lakin US News siyahılarına baxanda görürük ki, Dukan və keto pəhriz son iki sıranı bölüşür, qələvi pəhriz isə 31. yerdədir. Yazılarımızda tez-tez bəhs etdiyimiz, elmi sübutlarını vurğulamağa çalışdığımız Aralıq dənizi pəhrizi isə DASH pəhrizi ilə birlikdə ilk sıranı bölüşür.

Dukan pəhrizi arıqlamağı hədəfləyən zülal ağırlıqlı qidadır. Keto pəhriz az karbohidratlı, yüksək yağlı rejimdir.

Hazırlanmış siyahıda milyonlarla insanın daha sağlam həyat tərzinə çatmasına kömək etmək üçün doqquz kateqoriyada 40 pəhriz planı haqqında əhatəli məlumat təqdim olundu. Araşdırmaya görə Aralıq dənizi pəhrizi balanslı qidalanma planı təqdim edərək uzunömürlülüyü artırır və bir sıra xroniki xəstəliklərin qarşısını almağa kömək edir. Aralıq dənizi pəhrizi beyin və ürək sağlamlığını, arıqlamağı, xərçəng və diabetdən qorunmanı və nəzarəti hədəfləyir. Tərkibindəkiləri qısaca belə sadalaya bilərik: meyvə, tərəvəz, tam taxıl, çərəz, zeytun yağı, paxlalılar, ədviyyat bitkiləri, dəniz məhsulları, qatıq, pendir.

- Əlaqəli mövzu: Sağlam qidalanma nədir?

Ən yaxşı pəhrizlər

Ümumi sıralama

1. DASH pəhrizi
2. Aralıq dənizi pəhrizi
3. Flexitarian pəhriz

Sağlam qidalanma baxımından ən yaxşı pəhrizlər

1. DASH pəhrizi
2. Aralıq dənizi pəhrizi 
3. Flexitarian pəhriz 
4. TLC pəhrizi

Əməl edilməsi ən asan pəhrizlər

1. Aralıq dənizi pəhrizi
2. Flexitarian pəhriz 
3. Weight Watchers

Diabet (şəkər) üçün ən yaxşı pəhrizlər

1. Aralıq dənizi pəhrizi
2. DASH pəhrizi
3. Flexitarian pəhrizi
4. Mayo Clinic pəhrizi
5. Veqan pəhrizi
6. Volumetrics pəhrizi
7. Weight Watchers

Ürək sağlamlığı baxımından ən yaxşı pəhrizlər

1. DASH pəhrizi
2. Aralıq dənizi pəhrizi
3. Ornish pəhrizi

Ən yaxşı bitki əsaslı pəhrizlər

1. Aralıq dənizi pəhrizi
2. Flexitarian pəhriz
3. Ornish pəhrizi

Ən yaxşı arıqladan pəhrizlər

1. Weight Watchers
2. Volumetrics pəhrizi
3. Jenny Craig
4. Veqan pəhrizi

Ən sürətli arıqladan pəhrizlər

1. HMR pəhrizi
2. Weight Watchers
3. Biggest Loser pəhrizi
4. Medifast
5. SlimFast
6. Volumetrics

Ən yaxşı kommersiya pəhrizləri

1. Weight Watchers
2. Jenny Craig
3. Flat Belly Diet (bərabər yer)
4. Nutritarian Diet (bərabər yer)

Nəticə olaraq, biz həkimlər məntiqli və elmi yanaşmada birləşən tövsiyələr verməliyik. Əlbəttə, tək bir pəhrizin sağlamlıq gətirəcəyini deyə bilmərik, lakin sağlamlığa və sağlam həyata daha çox yatırım etməyə çalışan insanları yanlış yönləndirməməli, onları elmin göstərdiyi istiqaməti seçməyə təşviq etməliyik. Yoxsa siqareti tərgitdirə bilmədiyimiz insanlara qatıq kimi sağlam qidaları tərgitdirib yalnız çaşqınlığa səbəb olarıq.

Əlaqəli mövzular:

- Hansı xəstəyə hansı pəhriz ən uyğundur?

- Ən populyar 6 pəhriz - üstünlükləri və çatışmazlıqları ilə

- Qidalanmaya fərqli baxış: DNA əsaslı pəhrizlər & Nutrigenomika