Zanubrutinib Waldenström makroqlobulinemiyası üçün FDA təsdiqi aldı

Waldenström makroqlobulinemiyası (WM) olan yetkin xəstələr üçün zanubrutinib (Brukinsa, BeiGene) kapsul dərmanı 31 avqust 2021-ci ildə FDA ABŞ Qida və Dərman İdarəsinin təsdiqini aldı. 

Waldenstrom makroqlobulinemiyası nədir?

Waldenstrom makroqlobulinemiyası (WM) Hodgkin olmayan limfoma (NHL) növüdür. Xərçəng hüceyrələri makroqlobulin adlanan anormal zülalı çox miqdarda istehsal edir. WM-nin digər adı limfoplazmasitik limfomadırvə bu ad da işlədilir.

Zanubrutinibin təsir mexanizmi necədir?

Zanubrutinib Bruton tirozin kinaza (BTK) fermentinə qarşı hazırlanmış inhibitordur. BTK fermenti B hüceyrələrində çoxalmanın tənzimlənməsində mühüm rol oynayan hüceyrə siqnallaşma yolununtərkibindəki reseptorunun bir hissəsidir. BTK inhibəsi B-hüceyrəli bədxassəli xəstəliklərdə nəzarətsiz çoxalmanın qarşısını ala bilər. Zanubrutinib BTK-ya kovalent bağlanaraq fermenti geri dönməz inhibə edir.

Zanubrutinib əvvəl 14 noyabr 2019-cu ildə müalicəyə müqavimətli və ya təkrarlayan mantiya hüceyrəli limfoma üçün sürətləndirilmiş FDA təsdiqi almışdı; baxın: əlaqəli təsdiq).

Waldenstrom makroqlobulinemiyasında FDA təsdiqini təmin edən tədqiqat

Zanubrutinib MYD88 L265P mutasiyasıdaşıyan (MYD88MUT) WM xəstələrində zanubrutinib və ibrutinibi müqayisə edən randomizə edilmiş, aktiv nəzarətli, açıq etiketli ASPENtədqiqatında araşdırıldı.

Birinci qrupdakı 201 xəstə xəstəliyin irəliləməsinə və ya qəbuledilməz toksikliyə qədər gündə iki dəfə 160 mg zanubrutinib və ya gündə bir dəfə 420 mg ibrutinib üçün 1:1 nisbətində randomizə edildi.

İkinci qrupa MYD88 mutasiyası olmayan (MYD88WT) 26 xəstə və ya MYD88 mutasiyası bilinməyən 2 xəstə daxil edildi; gündə iki dəfə 160 mg zanubrutinib aldılar.

Təsdiqi dəstəkləyən əsas effektivlik nəticəsi qismən cavab kimi müəyyənləşdirilən cavab göstəricisi idi. Əlavə meyar cavab müddəti idi.

Nəticələr

• Cavab göstəricisi, tam cavab + çox yaxşı qismən cavab + qismən cavab, zanubrutinib qolunda %77.5 (%95 etibar intervalı: 68.1.85.1) oldu.
• 12-ci ayda hadisəsiz cavab zanubrutinib qolunda %94.4 (%95 etibar intervalı: 85.8, 97.9) idi.
• İkinci qrupda cavab %50 idi: qiymətləndirilən 26 xəstənin 13-ü; %95 etibar intervalı: 29.9, 70.1.

Zanubrutiniblə laborator anormallıqlar daxil ən çox bildirilən (≥ %20) arzuolunmaz reaksiyalar neytrofil sayının azalması, yuxarı tənəffüs yolu infeksiyası, trombosit azalması, səpgi, qanaxma, əzələ-skelet ağrısı, hemoqlobin azalması, göyərmə, ishal, pnevmoniya və öskürəkdir.

Tövsiyə olunan zanubrutinib dozası oral gündə iki dəfə 160 mg və ya gündə bir dəfə 320 mg-dır.