მკურნალობარეზისტენტული ძუძუს კიბოსთვის გენომურ მუტაციაზე მიმართული ახალი წამალი ალპელისიბი FDA-მ დაამტკიცა
ამ სტატიაში
აშშ-ის სურსათისა და წამლის ადმინისტრაციამ (FDA) 24 მაისს 2019 წელს მენოპაუზაში მყოფი და ჰორმონრეცეპტორდადებითი, HER2 -უარყოფითი შორსწასული ან მეტასტაზური და PIK3CA მუტაციის მქონე ძუძუს კიბოს პაციენტებისთვის ჰორმონული წამლის ფულვესტრანტის ერთად ალპელისიბი (Piqray ტაბლეტი) დაამტკიცა. პაციენტთა ამ ჯგუფში ფულვესტრანტთან ერთად ალპელისიბის გამოყენებისთვის ჰორმონული მკურნალობის დროს ან შემდეგ კიბოს პროგრესირება უნდა იყოს განვითარებული.
ჰორმონრეცეპტორდადებითი (HR +) და HER2-უარყოფითი (HER2-) შორსწასული ძუძუს კიბოს პაციენტებში ახალი გენეტიკური სამიზნე გამოვლინდა: ალფა-სპეციფიკური ფოსფატიდილინოზიტოლ-3-კინაზის (PI3K) მუტაციის დამთრგუნველმა ალპელისიბმა ჰორმონდადებითი, HER2-უარყოფითი ძუძუს კიბოს პაციენტებში სიმსივნის ზრდა მნიშვნელოვნად შეამცირა (პროგრესირების გარეშე გადარჩენა გაზარდა), რაც ESMO 2018-ზე წარდგენილმა ფაზა-3 SOLAR-1 კლინიკურმა კვლევამ აჩვენა.
ძუძუს კიბოს „გენეტიკურ ქვეჯგუფზე“ მიმართული პირველი ეფექტიანი წამალი
მთავარი ავტორის, სამედიცინო ონკოლოგიის პროფესორ Fabrice André-ს აზრით, „ალპელისიბი პირველი წამალია, რომელმაც ძუძუს კიბოს პაციენტთა განსაკუთრებულ გენომურ ქვეჯგუფში სარგებელი აჩვენა.“
ადრე არსებობდა HER2 ცილაზე მიმართული HER2 მიზნობრივი წამლები — თუმცა აქამდე კანის კიბოს, ავთვისებიანი მელანომის ან ფილტვის კიბოს მსგავსად სიმსივნის გენეტიკურ თვისებებზე მიმართული წამალი ძუძუს კიბოსთვის არ არსებობდა.
ჰორმონდადებითი ძუძუს კიბოს პაციენტთა დაახლოებით % 40-ს PIK3CA მუტაციებიაქვს, რომლებიც კიბოს პროგრესირებისა და ჰორმონდამთრგუნველი მკურნალობისადმი რეზისტენტობის ერთ-ერთ მექანიზმს, PI3 კინაზის გზასააქტიურებს.
- დაკავშირებული თემა: ძუძუს კიბოში მკურნალობისადმი რეზისტენტობის მიზეზები (დეტალურად)
ალპელისიბიალფა-სპეციფიკური პერორალური (აბის სახით პირით მისაღები) PI3K ინჰიბიტორია (დამთრგუნველი). PI3-კინაზის ალფა იზოფორმა სწორედ ძუძუს კიბოში მუტირებული ფორმაა.
კვლევის დეტალები
SOLAR-1 სახელწოდების კლინიკურმა კვლევამჰორმონდადებითი, HER2-უარყოფითი, 4. სტადიის ძუძუს კიბოს მქონე 572 მენოპაუზური ქალი და მამაკაცი პაციენტი მოიცვა.
სიმსივნური ქსოვილის ტესტირებით 341 პაციენტში PIK3CA მუტაციები გამოვლინდა. მათ მანამდე ჰორმონული მკურნალობის ერთი ან მეტი ხაზი, მაგრამ არა შორსწასული კიბოს ქიმიოთერაპია ჰქონდათ მიღებული. ასევე ადრე ფულვესტრანტი (Faslodex) ან რომელიმე PI3K, Akt თუ mTOR ინჰიბიტორი არ ჰქონდათ მიღებული.
შემთხვევითად ორ ჯგუფად განაწილებულ პაციენტებს ერთში პერორალური ალპელისიბი (300 mg / დღე) + ფულვესტრანტი, საკონტროლოში კი პლაცებო + ფულვესტრანტი მიეცა. პირველადი საბოლოო მაჩვენებელი იყო სიმსივნურ ქსოვილში PIK3CA მუტაციადადებით პაციენტებში მკურნალობით დაავადების კონტროლის დრო (პროგრესირების გარეშე გადარჩენა).
კვლევის შედეგები
- პაციენტებს მედიანურად 20 თვე აკვირდებოდნენ.
- ფულვესტრანტი + პლაცებოს ჯგუფთან შედარებით, ფულვესტრანტი + ალპელისიბის კომბინაციით ნამკურნალებ PIK3CA მუტაციადადებით ძუძუს კიბოს პაციენტთა პროგრესირების გარეშე გადარჩენის მედიანა ორჯერ უფრო ხანგრძლივი აღმოჩნდა (11 თვე, შედარებით 5.7 თვესთან).
- PI3KCA მუტაციადადებითი შორსწასული ძუძუს კიბოს 262 პაციენტიდან მესამედზე მეტმა (% 36) ალპელისიბი პლუს ფულვესტრანტს უპასუხა, პლაცებო + ფულვესტრანტის ჯგუფში კი ჯამური პასუხი % 16 იყო.
- PI3KCA მუტაციის არმქონეებში მნიშვნელოვანი პასუხის სხვაობა ვერ მიიღეს (მედიანურად 7.4 თვე, შედარებით 5.6 თვესთან).
- ალპელისიბის ყველაზე ხშირი გვერდითი ეფექტები, მეტფორმინით კონტროლირებადად მიჩნეული ჰიპერგლიკემია (სისხლის მაღალი შაქარი), გულისრევა, მადის დაქვეითება და გამონაყარი იყო. ჰიპერგლიკემია ალპელისიბის მიმღებთა %64-ს, პლაცებოს მიმღებთა კი %10-ს აღენიშნა. ცხოვრების ხარისხის შემლახველი ან სიცოცხლისთვის საშიში მძიმე ეფექტები არ დაფიქსირდა. სიმძიმის არქონა მიანიშნებს, რომ ალპელისიბი შეიძლება ქიმიოთერაპიამდე მისაცემი წამალი იყოს.
დასასრულს, ალპელისიბი ჰორმონდადებითი, HER2-უარყოფითი შორსწასული ძუძუს კიბოსა და PI3KCA მუტაციის მქონეებს სიცოცხლის გახანგრძლივების პოტენციალს სთავაზობს, თუმცა დაკვირვება ჯერ მოკლეა და საერთო გადარჩენას ვერ მიაღწიეს. ამიტომ ამ გენეტიკურ სამიზნეზე მიმართული წამლის დამტკიცებისთვის გრძელვადიან შედეგებს დაელოდებიან.
SOLAR-1 კვლევა პირველია, რომელმაც ჰორმონულ მკურნალობასთან PI3K ინჰიბიტორის კლინიკურად მნიშვნელოვანი სარგებელი აჩვენა და ძუძუს კიბოში გენომურ ტესტებს გზა გაუხსნა. PI3KCA მუტაციების თხევადი (სისხლიდან) ბიოფსიით აღმოჩენის კვლევები უკვე დაიწყო.
როგორც ბოლო წლებში იმუნოთერაპიებმა განსაკუთრებით მელანომის, ფილტვისა და შარდის ბუშტის კიბოს მკურნალობა მნიშვნელოვნად შეცვალა და დიდი სარგებელი მოიტანა, ასევე ძუძუს კიბოში უჯრედის გაყოფის ციკლზე მოქმედი CDK4 / 6 ინჰიბიტორებით (პალბოციკლიბი, რიბოციკლიბი და აბემაციკლიბი) დაწყებული საყურადღებო წინსვლა, როგორც ჩანს, PI3K ინჰიბიტორებით გაგრძელდება. ეს ყველაფერი ონკოლოგიისთვის დიდი, პაციენტებისთვის კი იმედისმომცემი ნაბიჯებია. შემდეგი მნიშვნელოვანი ნაბიჯი ჰორმონდადებით შორსწასულ ძუძუს კიბოში ჰორმონული წამლების, CDK4/6 და PI3K ინჰიბიტორების თანმიმდევრობისა და კომბინაციის განსაზღვრა იქნება.
წყაროები
fda.gov, 24 May 2019
2. Fabrice André, Eva Ciruelos, Gabor Rubovszky ve ark.
Alpelisib for PIK3CA-Mutated, Hormone Receptor–Positive Advanced Breast Cancer.
NEJM, 16 May 2019.
3. Fabrice André ve ark.
Alpelisib (ALP) + fulvestrant (FUL) for advanced breast cancer (ABC): results of the Phase 3 SOLAR-1 trial
ESMO 2018, Abstract LBA3_PR
4. Mayer IA, Abramson VG, Formisano L et al.
A phase Ib study of alpelisib (BYL719), a PI3Kα inhibitor, with letrozole in ER+/HER2- metastatic breast cancer.
Clinical Cancer Research 2017.
ეს სტატია სასარგებლო იყო თქვენთვის?
თქვენი გამოხმაურება გვეხმარება შინაარსის გაუმჯობესებაში.
მკითხველთა კომენტარები
გაგვიზიარეთ თქვენი კომენტარი
თქვენი სახელი და კომენტარი მხოლოდ ადმინისტრატორის დამტკიცების შემდეგ გამოქვეყნდება. ელფოსტის მისამართი ვიზიტორებს არასოდეს ეჩვენებათ.
პირველმა დაწერეთ კომენტარი.