Xərçəng yaşamağın sizi təəccübləndirəcək 10 müsbət tərəfi

1. Həyata minnətdarlıq duymaq

Xərçəng xəstələrində travmadan sonrakı yetkinləşmə barədə tədqiqatların çoxu bu xəstəliyin ən gözəl hədiyyələrindən birinin, həyata qarşı yenilənmiş minnətdarlıq hissi olduğunu göstərmişdir. Bu hissi xərçəng yaşamamış insana anlatmaq çətindir. Lakin bunu yaşamış insan aldığı hər nəfəsdə şükür hissini yaşayır və çox şey dərd olmaqdan çıxır.

Bəs niyə bunu xərçəng olmamışdan əvvəl edə bilmirik? Əslində bəzi insanlar edir. Lakin əksəriyyət anın içində çox aşağı fərqindəliklə yaşayır. Xərçəngli insanlar isə daha tez fərqindəlik qazanır və anı yaşamağı öyrənməkdə çətinlik çəkmir.

2. Münasibətləri gücləndirmək

Xərçəng diaqnozu ilə dəyişən vəziyyətlərdən biri budur: təxmin etmədiyiniz insanlar ən yaxın dostlarınızdan ola bilər və ya mövcud dostluqlarınızdan bəziləri həyatınızdan çıxa bilər. Yaxşı münasibətlər güclənir və ya zəif münasibətlər mövcudluğunu davam etdirmir. Güclənən münasibətlər arasında xərçəng keçmişi olanlar adətən daha böyük emosional bağ hiss edirlər. Xərçəng daha dərin duyğuları ifadə etmək, anlamaq və anlaşılmaq üçün fürsət kimidir. Bu açıqlıq adətən daha isti, daha səmimi dostluqlara doğru irəliləyir. Eyni zamanda xərçəngdən qurtulanlar çox vaxt empatiya xüsusiyyətlərini inkişaf etdirir və sevdiklərinə daha çox sevgi və dəyər hiss etdirə bilir. Bununla yanaşı davranış və münasibətlər müsbət istiqamətdə inkişaf edir, mənfi duyğuları ifadə etmək bacarığı artaraq həyatına daha dinc davam etmək şansı yaranır.

3. Şəfqət hissi

Empatiya və mərhəmət hissi xərçəng yaşamış insanda əhəmiyyətli dərəcədə artır. Başqasının yaşaya biləcəyi təcrübələr barədə fərqindəlik artır və onlarla daha yaxşı paylaşmağa imkan verir.

4. Gücləndirir

Xərçəng diaqnozu xəstələri əvvəlkinə nisbətən problem həll etmə bacarıqlarını və sıxıntılı vəziyyətlərin öhdəsindən gəlmə üsullarını inkişaf etdirməyə məcbur edir. Xərçəng təcrübəsi olan bir çox insan üçün bu yeni bacarıqlar xərçənglə əlaqəsi olmayan problemlərlə qarşılaşanda kömək edə biləcək nemətdir. Tədqiqatlar bizə, xərçəngin gedişində qazandığımız bacarıqların həyatımızın digər hissələrinə daşındığını göstərir.

Əslində nə qədər güclü olduğunuzu güclü olmaqdan başqa çarəniz qalmayanda anlayırsınız. Xərçəng müalicəsi alanların çoxu diaqnozdan əvvəl içlərindəki bu potensial gücü görmədiyi halda, diaqnozdan sonra bu istiqamətdə aydınlanma yaşayır demək olar.

• Gənc yaşda xərçəng müalicəsi alanlar həmyaşıdlarından daha sosialdır

5. Təvazökarlıq

Qeyd etdiyimiz güc hissi təvazökarlıqla birlikdə gəlir. Şəxsi sərhədləri anlamaq və müdafiəsizliyi daha çox qəbul etmək özü ilə barışmağa imkan verir. Bu, xərçəng müalicəsi almış insanların digər həyat sahələrində də çətinliklərin öhdəsindən gəlməsini, hədlərini və sərhədlərini bilib onlara hörmət etməsini, həllə yönəlmiş davranışlarını inkişaf etdirir və yeni diaqnoz qoyulmuş xərçəng xəstələrinə gözəl, dəstəkləyici təsir yaradır. Əslində, tək deyilsiniz hissini verməklə yanaşı, bu, ehtimal ki, xərçəng dəstək qruplarının da faydalarından biridir.

6. Prioritetlər dəyişir

Əksər insanların prioritetləri xərçəng diaqnozundan sonra dəyişir. Bir gün prioritet və təcili olan şeylər növbəti gün əhəmiyyətsiz ola bilər. Adi gündəlik fəaliyyətlər həyat tərzi şəklində qalıcı dəyişir. Xərçəngdən sonra əhəmiyyət sırası dəyişə bilər. Hətta iş tempi də dəyişir. Məsələn, iş saatlarını yenidən tənzimləyərək ailə ilə bir gün daha çox vaxt keçirməyə imkan verir.

Xərçəngin bir müsbət tərəfi də prioritetləri nizamlamağın uzun müddətdir davam edən sıx həyat tempinin gərginliyini və narahatlıqlarını azad edə bilməsidir. Yəni əslində zamanı özü baxımından daha yaxşı dəyərləndirə bilər.

7. Sağlamlıq şüuru və şəxsi qulluq artır

Tədqiqatlar bizə xərçəng müalicəsində ortaq müsbət dəyişikliklərdən birinin sağlamlığın əhəmiyyət qazanması və fərqindəliyin artması olduğunu göstərir. Xəstəliyin təkrarlanma riskini azaltmaq və ya ömrü uzatmaq istəyi ilə əksəriyyət sağlam qidalanır və gündəlik məşqlərini artırmağa çalışır.

Bir çox xəstədə zehin-bədən terapiyalarını sağalma prosesinə daxil etməyə çalışırlar. Artıq bir çox xərçəng mərkəzi meditasiya, masaj terapiyası, yoqa və akupunktur kimi inteqrativ xərçəng müalicələri ilə incəsənət terapiyası kimi yaradıcı mühitlər təqdim edir.

• Hekayəsini yazan xərçəng xəstəsi daha dinc və daha az ruhdan düşmüş olur

8. Yeni imkanlar təqdim edir

Xərçəng olmamışdan əvvəl getmək istədiyiniz yer varmı? Yaxud sınamaq istədiyiniz yeni fəaliyyətlər? Əksər insanlar xərçəng yolçuluğu zamanı yeni insanlarla tanış olur. Bunlar xərçəng klinikalarında və ya dəstək qrupunda ola bilər. Fərqli təcrübələrdən zövq alan yeni insanlarla tanış olursunuz və bu, yeni münasibətlər qurmağa imkan verir.

Həmişə nə etmək istədiyinizi düşünün: piano çalmaq? Tennis oynamaq? Səyahət etmək? Bunlara başlamaq üçün yaxşı vaxt ola bilər.

• Xərçəng xəstələri yeni tanış olduqları insanlarla vəziyyətlərini paylaşmalıdırmı?

9. Mənəviyyatın dərinləşməsi

Xərçəngli şəxslərdə mənəvi inancların dərinliyi adətən çox artır. Mənəviyyat insanın həyatın mənası barədə inancı kimi təyin edilə bilər. Bəziləri üçün din ola bilər, digərləri üçün bu ölçü incəsənətlə, təbiətlə ünsiyyətdə və ya sakit meditasiya ilə yaşanan təcrübələr ola bilər.

Dini inancı olanlar üçün bu, adətən müalicə zamanı dərinləşir. Mənəviyyatını incəsənətlə ifadə edənlər çox vaxt özünü belə ifadə edən başqaları ilə daha çox bağlı hiss edir. Yaxud təbiəti sevənlər üçün meşədə gəzinti zamanı hisslərin dərinliyi arta bilər.

• Mənəvi və dini qayğı — xroniki xəstəlik və xərçəng prosesində

10. Xərçəng yolçuluğundan faydalar çıxarmaq

Tədqiqatlar bəzi insanların xərçəng diaqnozlarından sonra şəxsi inkişaflarını maksimuma çatdıra biləcək yollar axtardığını göstərir. Digər tərəfdən, ruhdan düşə, hətta xərçəngə tutulmaqla bağlı müsbət heç nə düşünmək belə istəməyə bilərsiniz.

Müsbət tərəflər tapa biləcəyiniz bir neçə yol;

• Xərçəngli bəzi insanlar müsbət dəyişiklikləri asan görmür. Bunun üçün xərçəng yolçuluğunuzu xərçəng gündəliyinizə yaza bilərsiniz.
• Həyatdan zövq almaq və anı yaşamaq üçün özünü inkişaf etdirən çox insan var. Siz də onlardan ola bilərsiniz. Məsələn, indiyədək xərçəng yolçuluğunuz boyunca yanınızda olan vacib insanlarla duyğularınız barədə danışın.
• Diaqnozdan sonra artıq sizin üçün daha vacib və ya daha az vacib olan şeylər varmı? Daha az əhəmiyyətli şeylər üçün canınızı sıxmayın, özünüzü yormayın.

Nəticə

Dünyada hər il 14 milyondan çox insana xərçəng diaqnozu qoyulur və xərçənglərin yarıya yaxını qarşısı alına bilən səbəblərdən yaransa da, heç kim xərçəng olmağı seçmir. Lakin hər təcrübə müəllimdir; yuxarıda bu təcrübənin şəxsiyyətə müsbət mənada nələr qata biləcəyinə birlikdə baxdıq.

Xərçəng diaqnozu, müalicə prosesi və sonrasında həyata davam etmək bir çox baxımdan olduqca çətin prosesdir. Bununla belə, həyatda hər şey ziddiyyətlərlə bir bütündür. Stəkanın bir qədər dolu tərəfinə baxsaq, xərçəngin insanlara töhfələrini görməzdən gələ bilmərik.

Tədqiqatlar bizə bunu göstərir: xərçəng diaqnozu almış əksər insanlar müəyyən dərəcədə travmadan sonrakı yetkinləşmə yaşayır. Xərçəngdən sonra yaşanan bu dəyişiklikləri xərçəngin bir lütfü kimi düşünüb bundan faydalar çıxarmaq mümkün ola bilər.

• 2-ci xərçəngindən sonra kökündən dəyişən həyat — müğənni Amelie Beyries-in hekayəsi
• Süd vəzi xərçəngi həyatımı dəyişdirdi, amma bu dəyişiklik müsbət idi
• Mənfi düşüncələrin xərçəngə səbəb olduğunu iddia edən televiziya aparıcısı üzr istədi
• Zamanın dayandığı an: XƏRÇƏNG DİAQNOZU ALMAQ!