Rucaparib-მა საკვერცხის, ფალოპის მილისა და პერიტონეუმის კიბოს სამკურნალოდ FDA-ს დამტკიცება მიიღო
რეციდივირებული საკვერცხის, ფალოპის მილის ან პირველადი პერიტონეუმის (მუცლის გარსის) კიბოს შემანარჩუნებელი მკურნალობისთვის პოლი ADP-რიბოზა პოლიმერაზის (PARP) ინჰიბიტორ rucaparib-ს (Rubraca) FDA-მ 6 აპრილს, 2018 წელს დამტკიცება მისცა. პაციენტებს მანამდე პლატინაზე დაფუძნებულ ქიმიოთერაპიაზე სრული ან ნაწილობრივი პასუხი უნდა ჰქონოდათ.
დამტკიცება ემყარება სულ მცირე ორჯერ პლატინაზე დაფუძნებული ქიმიოთერაპიის მიმღები და სრული/ნაწილობრივი პასუხის მქონე რეციდივირებული საკვერცხის, მილის ან პირველადი პერიტონეუმის კიბოს 561 პაციენტის ARIEL3 კვლევას. 2:1 თანაფარდობით რანდომიზებულთაგან 372 დღეში ორჯერ პირის გზით 600 mg rucaparib-ს იღებდა, 189 კი პლაცებოს . მკურნალობა პროგრესირებამდე ან მიუღებელ ტოქსიკურობამდე (გვერდით ეფექტებამდე) გრძელდებოდა.
რა არის Rucaparib-ის მოქმედების მექანიზმი?
PARP ფერმენტი მნიშვნელოვანი DNA რეპარაციის მექანიზმია. მისი დამთრგუნველი წამლები კიბოს უჯრედს საკუთარი DNA-ის შეკეთებასა და, შესაბამისად, გამრავლებას უშლის. მაგრამ უჯრედში რეპარაციის ერთი სისტემა არ არის; სხვა მნიშვნელოვანს BRCA გენები მართავს. ზოგი ძუძუს, საკვერცხისა და პროსტატის კიბოში BRCA მუტაცია მშობლიდან მემკვიდრეობითაა მიღებული (germline) ან სიცოცხლეში ჩნდება (სომატური). BRCA-მუტაციადადებით პაციენტში PARP-ის დამატებითი დათრგუნვით ძალიან ეფექტიანი შედეგების მიღებაა შესაძლებელი.
შეიძლება დაგაინტერესოთ:
ARIEL3-ში სიმსივნურ ქსოვილში ახალი თაობის სეკვენირებით [Next-Generation Sequencing (NGS)] BRCA გენის მემკვიდრეობითი ან სომატური უჯრედების მუტაციების დადგენა შეიძლება. აგრეთვე ვლინდება BRCA-ის ჰეტეროზიგოტური მდგომარეობის დარღვევა; მისი პროცენტის განსაზღვრა BRCA-ის აქტივობას ადგენს. ჰომოლოგიური რეკომბინაციის დეფიციტი (HDR) განისაზღვრება როგორც BRCA-დადებითი ან მაღალი BRCA ჰეტეროზიგოტურობა. მუტაციის მქონეებში PARP ინჰიბიტორის ეფექტია მოსალოდნელი. ხაზგასასმელია, რომ დაგეგმვისას BRCA გენური ტესტები რეკომენდებულია.
ARIEL3-ის შედეგები:
- ყველა პაციენტში პროგრესირების გარეშე გადარჩენა (მკურნალობით კონტროლის დრო) rucaparib-ისას 10.8 თვე იყო, პლაცებოსას — 5.4,
- HRD-ად წოდებულ სომატური BRCA მუტაციის ქვეჯგუფში — 13.6 თვე 5.4-ის წინააღმდეგ,
- tBRCA-დ წოდებულ მემკვიდრეობით/germline BRCA მუტაციის ქვეჯგუფში — 16.6 თვე 5.4-ის წინააღმდეგ.
- Rucaparib-მა პროგრესირების რისკი % 64 – 77-ით შეამცირა.
FDA-მ HRD-ის დასადგენად სიმსივნის ნიმუშების დამხმარე გენეტიკური დიაგნოსტიკური ტესტი FoundationFocusTM CDx BRCA LOH-ც დაამტკიცა.
ARIEL3-ში rucaparib-ის მიმღებთა სულ მცირე % 20-ში ყველაზე ხშირი გვერდითი ეფექტები იყო გულისრევა, დაღლილობა (ასთენიის ჩათვლით), მუცლის ტკივილი/დაჭიმულობა, გამონაყარი, დისგევზია, ანემია, ALT / AST-ის მომატება, ყაბზობა, ღებინება, დიარეა, თრომბოციტოპენია (შემდედებელი უჯრედების ნაკლებობა), ნაზოფარინგიტი (ზედა სასუნთქი გზის ინფექცია), სტომატიტი, მადის დაქვეითება და ნეიტროპენია. მიელოდისპლაზიური სინდრომი და/ან მწვავე მიელოიდური ლეიკემია rucaparib-ის 372 მიმღებიდან 7-ში (% 1.9), პლაცებოს 189 მიმღებიდან კი 1-ში (% 0,5) განვითარდა. გვერდითი ეფექტით შეწყვეტა rucaparib-ში % 15, პლაცებოში % 2 იყო.
რეკომენდებული rucaparib-ის დოზადღეში ორჯერ, უზმოზე ან საკვებთან, პირის გზით 600 mg-ია (ორი 300 mg ტაბლეტი).
მანამდე, 2017 წელს სხვა ორ PARP ინჰიბიტორს, olaparib და niraparib იმავე დაავადებებში იმავე პირობებით გამოყენების დამტკიცება ჰქონდა.
წყაროები
fda.gov
ეს სტატია სასარგებლო იყო თქვენთვის?
თქვენი გამოხმაურება გვეხმარება შინაარსის გაუმჯობესებაში.
მკითხველთა კომენტარები
გაგვიზიარეთ თქვენი კომენტარი
თქვენი სახელი და კომენტარი მხოლოდ ადმინისტრატორის დამტკიცების შემდეგ გამოქვეყნდება. ელფოსტის მისამართი ვიზიტორებს არასოდეს ეჩვენებათ.
პირველმა დაწერეთ კომენტარი.