Yumurtalıq, Fallop Borusu və Periton Xərçəngində Rucaparib FDA Təsdiqi Aldı

Təkrarlayan over (qadın yumurtalığı), fallop borusu və ya birincili periton (qarın pərdəsi) xərçənginin saxlayıcı (davam) müalicəsi üçün poli ADP-riboza polimeraza (PARP) inhibitoru rucaparib (bazar adı Rubraca) dərmanına FDA6 Aprel 2018-də təsdiq verdi. Xəstələr əvvəl platin əsaslı kimyaterapiyaya tam və ya qismən cavab verməlidir.

Təsdiq ən az iki platin əsaslı kimyaterapiyaya tam/qismən cavablı təkrarlayan yumurtalıq, boru və ya periton xərçəngli 561 xəstənin ARIEL3 nəticələrinə əsaslanır. 2:1 randomizasiyada 372 xəstə gündə iki dəfə oral (ağızdan) 600 mg rucaparib, 189 xəstə plasebo aldı. Proqressiya və ya qəbuledilməz toksikliyə (yan təsirə) qədər müalicə edildi.

Rucapribin Təsir Mexanizmi Nədir?

PARP fermenti vacib DNA təmir mexanizmidir. Basqılayan dərman xərçəngin öz DNA-sını təmirini və çoxalmasını əngəlləyir. Lakin tək sistem deyil; digəri BRCA genləri ilə idarə olunur. Süd vəzi, yumurtalıq və prostat kimi xərçənglərin bir hissəsində valideyndən irsi (germline) və ya sonradan (somatik) BRCA mutasiyası olur. Pozitiv xəstəyə PARP basqılayıcı verildikdə çox təsirli nəticə alına bilər.

Marağınızı Çəkə Bilər:

• Aziz Sancar-a Nobel gətirən tədqiqat: DNA-nın mexanistik təmiri

ARIEL3-də yeni nəsil gen sekvensləmə [Next-Generation Sequencing (NGS)] ilə şişdə BRCA-nın irsi və ya somatik hüceyrə mutasiyaları tapıla bilər. Heteroziqot halın pozulması da müəyyənləşir. Pozulma faizi BRCA aktivliyini göstərir. Homoloji rekombinasiya çatışmazlığı (HDR) BRCA pozitiv və ya heteroziqotun yüksəkliyi kimi tərif edilir. Mutasiyada PARP inhibitoru gözlənilən təsirlidir. Planlamada BRCA testi tövsiyə olunduğu vurğulanmalıdır.

ARIEL3 Nəticələri Belə Ümumiləşdirilir:

• bütün xəstələrdə proqressiyasız sağqalım (müalicə ilə nəzarət müddəti) rucaparibdə 10.8, plaseboda 5.4 ay,
• HRD somatik BRCA alt qrupunda 13.6-ya qarşı 5.4 ay
• tBRCA irsi/germline BRCA alt qrupunda 16.6-ya qarşı 5.4 ay idi.
• Rucaparib proqressiya (irəliləmə) riskini % 64 – 77 azaltdı.

FDA HRD üçün tamamlayıcı genetik diaqnostik FoundationFocusTM CDx BRCA LOH testini də təsdiqlədi.

ARIEL3-də xəstələrin ən azı % 20-sində ən çox yan təsirlər, ürəkbulanma, yorğunluq (asteniya daxil), qarın ağrısı / gərginliyi, səpgi, disgevziya, anemiya (qanazlığı), ALT / AST artımı, qəbizlik, qusma, ishal, trombositopeniya (laxtalanma hüceyrəsi azlığı), nazofaringit (yuxarı tənəffüs infeksiyası), stomatit, iştaha azalması və neytropeniya. Miyelodisplastik sindrom və / və ya kəskin miyeloid leykoz rucaparib alan 372 xəstənin 7-sində (% 1.9), plasebo alan 189-un 1-ində (% 0,5) oldu. Yan təsirə görə dayandırma müvafiq % 15 və % 2 idi.

Tövsiyə olunan rucaparib dozası, gündə iki dəfə ac/tox ağızdan 600 mg-dır (iki 300 mg tablet).

Əvvəl 2017-də digər iki PARP inhibitoru olaparib və niraparib eyni xəstəlik və şərtlərdə təsdiq almışdı.