კიბოს ლენტის ფერები — რომელი ფერი რომელ კიბოს აღნიშნავს?

კიბოს თვეები და ფერები

კიბოს ლენტები მარტივი ლენტების მარყუჟებია, რომლებსაც კიბოს მქონე თუ ჯანმრთელი ადამიანები დაავადების შესახებ ცნობიერებისა და მხარდაჭერის გამოსახატავად ატარებენ.

კიბოს მრავალგვარი ლენტი არსებობს და თითოეულს თავისი სიმბოლური ფერი აქვს. ამ სტატიაში ყველა ფერსა და დანიშნულებასთან ერთად კონკრეტული კიბოების შესახებ მოკლე ინფორმაციასა და „ცნობიერების ამაღლების თვეებს“ ჩამოვთვლით.

თავისა და კისრის კიბოები

თავისა და კისრის კიბო რამდენიმე განსხვავებულ კიბოს მოიცავს, მათ შორის:

• პირის ღრუ
• ხახა
• ხორხი
• ცხვირის ღრუ
• სინუსები
• სანერწყვე ჯირკვლები

შეგახსენებთ, რომ თავისა და კისრის კიბოების 3 უმთავრესი მიზეზია ალკოჰოლისა და თამბაქოს მოხმარება და HPV ინფექცია .

- დაკავშირებული თემა: თავისა და კისრის კიბოს სიმპტომები

აპრილის დასაწყისი „თავისა და კისრის კიბოს შესახებ ცნობიერების ამაღლების თვეა“.

მრავლობითი მიელომა

მრავლობითი მიელომაჰემატოლოგიური (სისხლისა და ძვლის ტვინის წარმოშობის) კიბოა, რომელიც იმუნური სისტემის პლაზმურ უჯრედებს აზიანებს. მხოლოდ აშშ-ში 2018 წელს 30 ათასი ახალი შემთხვევა იყო ნავარაუდევი.

მარტი„მიელომის შესახებ ცნობიერების ამაღლების თვეა“.

ლეიკემია

ლეიკემია სისხლის კიბოს სახეობაა, რომელიც ჩვეულებრივ ძვლის ტვინში იწყება. ლეიკემია და ლიმფომაყველაზე ხშირი ჰემატოლოგიური კიბოებია და 1960-იანი წლებიდან ონკოლოგიაში უდიდესი წინსვლა სწორედ მათში გამოჩნდა — სიცოცხლის ხანგრძლივობა 4-ჯერ მეტად გაიზარდა.

სექტემბერი„ლეიკემიის შესახებ ცნობიერების ამაღლების თვეა“. ლეიკემია ნარინჯისფერ ლენტს თირკმლის კიბოსაც უზიარებს.

თირკმლის კიბო

დასავლეთის ქვეყნებში თირკმლის კიბო ყველაზე ხშირ 10 კიბოს შორისაა. ხანდაზმულებსა და მამაკაცებში უფრო ხშირად გვხვდება. სიმსუქნე და მოწევა თირკმლის კიბოს გამოკვეთილი მიზეზებია.

მარტი„თირკმლის კიბოს შესახებ ცნობიერების ამაღლების თვეა“.

- შეიძლება დაგაინტერესოთ: კიბოს ფაქტები რიცხვებში — 2018: ყოველი 6 ადამიანიდან ერთი კიბოთი კვდება

ძუძუს კიბო

ალბათ ყველაზე ცნობილი კიბოს ლენტი ძუძუს კიბოს აღმნიშვნელი ვარდისფერი ლენტია. მკვლევრები და ორგანიზაციები უამრავ კამპანიაში ვარდისფერს იყენებენ ან ატარებენ ძუძუს კიბოსთან ბრძოლის პოზიციის გამოსახატავად.

ოქტომბერი„ძუძუს კიბოს შესახებ ცნობიერების ამაღლების თვეა“.

-შეიძლება დაგაინტერესოთ: ძუძუს კიბოს ცნობიერების ჩვენი მსვლელობა 17 ოქტომბერს 2018 წელს

საშვილოსნოს კიბო

უტერუსის ან ენდომეტრიუმის კიბოდაც წოდებული საშვილოსნოს კიბოყველაზე ხშირად 60 წლის შემდეგ, ანუ მენოპაუზაში მყოფ ქალებს აზიანებს. ჩვენს ქვეყანაში ქალებში სიხშირით 4. კიბოა (2015 წლის სტატისტიკა).

სექტემბერი„გინეკოლოგიური (ქალებისთვის სპეციფიკური) კიბოს შესახებ ცნობიერების ამაღლების თვეა“.

აპენდიქსის კიბო

ქარვისფერი / ამბრისფერი ლენტი აპენდიქსის კიბოს აღნიშნავს. წვრილი ნაწლავის ბოლოში მოთავსებული, ხელის ნეკა თითის ზომის ორგანოს კიბო იშვიათი სიმსივნეების ჯგუფში შედის.

ჩვენი ქვეყნის მონაცემები ზუსტი არ არის; აშშ-ში ყოველ 100.000 ადამიანზე აპენდიქსის კიბოს მხოლოდ დაახლოებით 1.2 შემთხვევაა.

ამჟამად აპენდიქსის კიბოსთვის სპეციალური ცნობიერების ამაღლების თვე არ არსებობს.

ბავშვთა კიბო

ოქროსფერი ლენტი ბავშვობაში განვითარებულ ყველა კიბოს წარმოადგენს. სექტემბერი„ბავშვთა კიბოს შესახებ ცნობიერების ამაღლების თვეა“.

-შეიძლება დაგაინტერესოთ: კიბოსგან დაცვის 10 ოქროს წესი

ძვლის კიბო (ოსტეოსარკომა)

ყვითელი ლენტი ძვლის კიბოს (ოსტეოსარკომას) აღნიშნავს. ძვლის კიბო ასევე სხეულის შემაერთებელ ქსოვილებს, მაგალითად ხრტილსა და მიოფასციურ ქსოვილს აზიანებს.

ივლისი„სარკომის შესახებ ცნობიერების ამაღლების თვეა“.

არაჰოჯკინის ლიმფომა

არაჰოჯკინის ლიმფომა ლიმფურ სისტემას აზიანებს. ამ ჰემატოლოგიურ კიბოში შემთხვევათა დაახლოებით 85 პროცენტი ინფექციასთან ბრძოლაში დამხმარე ანტისხეულების წარმომქმნელ B ლიმფოციტებში იწყება.

ლიმფომა და ლეიკემია განსხვავებული კიბოებია, რომლებსაც ხშირად ერთად აჯგუფებენ, რადგან ორივე სისხლს აზიანებს.

სექტემბერი„ლიმფომის შესახებ ცნობიერების ამაღლების მსოფლიო თვეა“, რომელიც არაჰოჯკინის ლიმფომასა და სისხლისა და ლიმფის სხვა კიბოების მხარდაჭერას ემსახურება.

ღვიძლის კიბო

განვითარებულ ქვეყნებში ბოლო წლებში მრავალი კიბოს სიხშირე მსგავს დონეზე რჩება, ღვიძლის კიბო კი მატულობს. არსებობს მაღალშემოსავლიან ქვეყნებში ღვიძლის კიბოს გაორმაგებისდამადასტურებელი მონაცემებიც.

ოქტომბერი„ღვიძლის კიბოს შესახებ ცნობიერების ამაღლების თვეა“.

საკვერცხის კიბო

ჩვენს ქვეყანაში ქალებში სიხშირით 6. კიბოა. მკვლევართა შეფასებით, 75 ქალიდან ერთს სიცოცხლეში საკვერცხის კიბო განუვითარდება.

სექტემბერი„საკვერცხის კიბოს შესახებ ცნობიერების ამაღლების თვეა“. ამასთან, 8 მაისი „საკვერცხის კიბოს მსოფლიო დღეა“.

საშვილოსნოს ყელის კიბო

Pap-smear და HPV ტესტის მსგავსმა სკრინინგმა ამ დაავადებით სიკვდილიანობა 70 პროცენტზე მეტად შეამცირა.

-დაკავშირებული თემა:  ავსტრალია HPV ვაქცინით საშვილოსნოს ყელის კიბოს სრულად აღმოფხვრას უახლოვდება

იანვარი„საშვილოსნოს ყელის კიბოს შესახებ ცნობიერების ამაღლების თვეა“.

პროსტატის კიბო

შეფასებით, ყოველი 9 მამაკაციდან ერთს სიცოცხლის განმავლობაში პროსტატის კიბოს დიაგნოზს დაუსვამენ.

50 წლიდან რუტინულმა სკრინინგმა შეიძლება ადრეულ დიაგნოსტიკასა და მძიმე გართულებების თავიდან აცილებას შეუწყოს ხელი.

სექტემბერი„პროსტატის კიბოს შესახებ ცნობიერების ამაღლების თვეა“.

-დაკავშირებული თემა: სიახლეები პროსტატის კიბოს მკურნალობაში

მსხვილი და სწორი ნაწლავის კიბო

მსხვილი და სწორი ნაწლავის კიბო მსხვილ ნაწლავს აზიანებს. მთავარი რისკფაქტორებია სიმსუქნე, უმოძრაობა, დაბალბოჭკოვანი კვება, დამუშავებული ხორცის მოხმარება და მოწევა. კრონის დაავადების ან კოლიტის მსგავსი ნაწლავის ანთებითი დაავადებების მქონეებსაც მეტი რისკი აქვთ.

პოლიპებისა და კიბოს ნიშნების რეგულარულმა სკრინინგმა ბოლო წლებში გადარჩენა გააუმჯობესა. მსხვილი ნაწლავის კიბოს ადრეულ სტადიაზე მკურნალობისას 5-წლიანი გადარჩენა 90 პროცენტია.

-დაკავშირებული თემა: მსხვილი და სწორი ნაწლავის კიბოს ადრეული დიაგნოსტიკისთვის კოლონოსკოპიის ალტერნატიული 7 ტესტი

მარტი„კოლორექტალური კიბოს შესახებ ცნობიერების ამაღლების თვეა“.

კუჭის კიბო

კუჭის კიბოს სიმბოლოდ ნაზი, პუდრისფერი ცისფერი (ზოგი ზღვის წყალმცენარისფერს უწოდებს) ლენტია მიჩნეული. მიუხედავად იმისა, რომ მსოფლიოში კუჭის კიბო კიბოთი სიკვდილის პირველ 5 მიზეზში შედის, მის შესახებ ცნობიერება და ინტერესი მცირეა.

-დაკავშირებული თემა: კუჭის კიბოს გასაოცარი ისტორია, მიზეზები და მნიშვნელობა

ნოემბერი„კუჭის კიბოს შესახებ ცნობიერების ამაღლების თვეა“.

სათესლე ჯირკვლის კიბო

სათესლე ჯირკვლის კიბო15-დან 44 წლამდე მამაკაცებში ყველაზე გავრცელებული კიბოა.

სათესლე ჯირკვალში ახლად შემჩნეული წარმონაქმნი მისი უმთავრესი ნიშანია.

აპრილი„სათესლე ჯირკვლის კიბოს შესახებ ცნობიერების ამაღლების თვეა“.

პანკრეასის კიბო

ადრეული დიაგნოსტიკის სკრინინგული ტესტების არარსებობის გამო პანკრეასის კიბოს ადრეულ სტადიაზე აღმოჩენა რთულია.

პანკრეასის კიბოს იისფერი ლენტი ქალის დედისადმი სიყვარულს ეძღვნება. Rose Schneider, რომლის საყვარელი ფერიც იისფერი იყო, პანკრეასის კიბოთი გარდაიცვალა. მისმა ქალიშვილმა დედის მოსაგონრად პანკრეასის კიბოს მქონეთა მხარდასაჭერი Pancreatic Cancer Action Network (PanCan) დააარსა.

ნოემბერი„პანკრეასის კიბოს შესახებ ცნობიერების ამაღლების თვეა“.

ყველა კიბო

ლავანდისფერი ლენტი ჩვეულებრივ ყველა სახის კიბოსთან მცხოვრებთა (cancer survivor) მხარდაჭერას აღნიშნავს. ზოგჯერ იმავეს გამოსახატავად ცისარტყელას ლენტებს ან მრავალფეროვან ლენტს ატარებენ.

ყოველწლიურად 4 თებერვალი კიბოს მსოფლიო დღედ აღინიშნება.

ჰოჯკინის ლიმფომა

ჰოჯკინის ლიმფომა სისხლის კიბოა, რომელიც ლიმფურ კვანძებში იწყება. ყველა კიბოს შორის ის ერთ-ერთი ყველაზე კარგად განკურნებადია.

-შეიძლება დაგაინტერესოთ: რომელი კიბოების დაძლევაა ყველაზე მარტივი?

სექტემბერი„ლიმფომის შესახებ ცნობიერების ამაღლების მსოფლიო თვეა“.

კანის კიბო

ჩრდილოეთის ქვეყნების გარდა, კანის კიბო მსოფლიოში ყველაზე გავრცელებული კიბოა. თუმცა კანის კიბოების % 5-ის შემადგენელი ავთვისებიანი მელანომაერთ-ერთი აგრესიული კიბოა.

მაისი„კანის კიბოს შესახებ ცნობიერების ამაღლების თვეა“. კანის რეგულარული შემოწმებისა და პრევენციული სკრინინგის მხარდასაჭერად შავი ლენტიც შეიძლება ატარონ.

კარცინოიდული კიბო

კარცინოიდული კიბო სხვა კიბოებივით ცნობილი არ არის. ამერიკის კიბოს კვლევის ასოციაციის თანახმად, ის ძალიან ნელა იზრდება და ხშირად წვრილ ნაწლავსა და ფილტვების ბრონქულ სისტემაში გვხვდება.

ზოგ ადამიანში უსიმპტომოა ან მცირე ჩივილებს იწვევს, თუმცა სიცოცხლისთვის საშიში მაინც შეიძლება იყოს.

ნოემბერი„კარცინოიდული კიბოს შესახებ ცნობიერების ამაღლების თვეა“.

ტვინის კიბო

ალბათ ტვინის „რუხი ნივთიერების“ ანარეკლად, რუხ ლენტს ტვინის კიბოს შესახებ ცნობიერების ასამაღლებლად იყენებენ.

ტვინის სიმსივნეების უმრავლესობა კეთილთვისებიანია, დაახლოებით 37 პროცენტი კი კიბოა.

მაისი„ტვინის კიბოს შესახებ ცნობიერების ამაღლების თვეა“.

ფილტვის კიბო

ფილტვის კიბო დღემდე კიბოთი სიკვდილის მთავარი მიზეზია; მხოლოდ ის კიბოთი სიკვდილიანობის დაახლოებით 27 პროცენტზეა პასუხისმგებელი.

ნოემბერი„ფილტვის კიბოს შესახებ ცნობიერების ამაღლების თვეა“.

-დაკავშირებული თემა: სიახლეები ფილტვის კიბოს მკურნალობაში

შარდის ბუშტის კიბო

შარდის ბუშტის კიბოსთვის ლურჯი, ყვითელი და იისფერი ლენტი გამოიყენება. შეფასებით, ის ყველა კიბოს დაახლოებით 5 პროცენტს შეადგენს. მამაკაცებში ქალებზე უფრო ხშირად ვითარდება.

მაისი„შარდის ბუშტის კიბოს შესახებ ცნობიერების ამაღლების თვეა“.

ფარისებრი ჯირკვლის კიბო

უმეტესად ადრეულ სტადიაზე დიაგნოსტირებული ფარისებრი ჯირკვლის კიბოუმეტესად სრულად განკურნებადი კიბოების ერთ-ერთი სახეობაა და ქალებში მამაკაცებზე ხშირია.

სექტემბერი„ფარისებრი ჯირკვლის კიბოს შესახებ ცნობიერების ამაღლების თვეა“.

ბოლო შენიშვნა

გარკვეული ფერის ან ლენტის გამოყენება ადამიანებს მეგობრისა თუ საყვარელი პირის მხარდაჭერის გამოხატვაში ან საკუთარი დიაგნოზის სხვებისთვის გაზიარებაში შეიძლება დაეხმაროს.

მხოლოდ ლენტის ტარებით ცნობიერების კამპანიაში მონაწილეობაც საზოგადოებისთვის კიბოს კვლევებზე ინფორმაციის მიწოდებასა და ახალი მკურნალობების დაფინანსების მოზიდვაში შეიძლება დაგვეხმაროს.