Metastatik HER2-müsbət süd vəzi xərçəngində indiyədək alınmış ən yaxşı nəticələr

Metastatik HER2+ süd vəzi xərçəngininikinci xətt müalicəsində trastuzumab deruxtecan (Enhertu) ilə görülən fövqəladə və heyrətləndirici adlandırılan yeni nəticələr bu dərmanı yeni standart müalicə etməyə namizəddir.

Hazırda bu xəstələr üçün standart müalicə trastuzumab emtansindir (T-DM1, Kadcyla). Kadcyla kimyaterapiya və hədəfli anticisim kombinasiyası bu mövqeyi 2013-cü ildən saxlayır. Son 8 ildə birbaşa müqayisəli klinik tədqiqatdabu dərmanı keçməyə çalışan başqa müalicə görməmişdik.

İndiyə qədər…

18 sentyabrda ESMO 2021Avropa Xərçəng Konqresində təqdim edilən və nəticələri baxımından ən diqqətçəkən və həyəcanverici tədqiqat olan DESTINY-Breast03-də trastuzumab deruxtecan və T-DM1 müqayisə edildi.

Trastuzumab deruxtecan ilə median irəliləməsiz sağqalma (PFS) 25,1 ay, T-DM1 ilə 7.2 ay idi. Trastuzumab deruxtecan xərçəngin irəliləmə riskini %74 azaltdı (təhlükə nisbəti [HR], 0.26).

Bu fərqin statistik və klinik baxımdan çox əhəmiyyətli olduğu aydındır.

Tədqiqatı təqdim edən Dr. Sara Hurvitz ümumi sağqalma məlumatlarının hələ yetkinləşməsə də ümidverici olduğunu əlavə etdi. Bu məlumatlar trastuzumab deruxtecanın ikinci xətt HER2+ metastatik süd vəzi xərçəngi üçün yeni standart olmasını dəstəkləyir.

Yan təsir profili idarəolunan və iki qol arasında oxşar görünür. Lakin trastuzumab deksruxtecan alanların %45,1-ində və T-DM1 alanların %39,8-ində ≥3 dərəcəli dərmanla əlaqəli arzuolunmaz hadisələr oldu.

Əsaslandırma

HER2-müsbət irəliləmiş süd vəzi xərçəngində standart birinci xətt müalicə median irəliləməsiz sağqalmanın 18,7 ay olduğu CLEOPATRA tədqiqatına əsasən trastuzumab, pertuzumab və taksan qrupu kimyaterapiyasıkombinasiyasıdır.

İndiyədək ikinci xətt standartı median irəliləməsiz sağqalmanın 9,6 ay olduğu EMILIA sınağı ilə müəyyənləşən T-DM1 idi.

Əvvəllər ən azı 2 xətt müalicə almış metastatik süd vəzi xərçəngində trastuzumab deruxtecanın faza 2 sınaqlarının məlumatları güclü aktivlik göstərdi: median irəliləməsiz sağqalma iki, hətta üç dəfə artdı. Bunlar 2019-cu ilin dekabrında Enhertunun FDA təsdiqinə səbəb oldu; baxın: əlaqəli təsdiq).

DESTINY-Breast03 tədqiqatının təfərrüatları

Xəstələrdə əvvəl irəliləmiş/metastatik süd vəzi xərçəngi üçün trastuzumab və taksanla müalicə olunmuş, əməliyyat edilə bilməyən və ya metastatik HER2+ süd vəzi xərçəngi vardı.

Təxminən %90 əvvəl müalicə almışdı. Demək olar hamısına trastuzumab, %60-dan bir qədər çoxuna pertuzumab verilmişdi.

Qollar ilkin xüsusiyyətlər üzrə yaxşı tarazlanmışdı. Orta yaş 54 idi. Təxminən %50-də hormon reseptoru müsbət xəstəlik, %20 ilə %24 arasında beyin metastazı və %70-də visseral, daxili orqan metastazı vardı.

524 xəstə həftədə üç dəfə trastuzumab deruxtecan və ya T-DM1 almaq üçün 1:1 nisbətində təsadüfi bölündü.

Nəticələr

• Tədqiqatçının ölçdüyünə görə, trastuzumab deruxtecan ilə median irəliləməsiz sağqalma (PFS) 25,1 ay, T-DM1 ilə 7.2 ay idi. Trastuzumab deruxtecan irəliləmə riskini %74 azaltdı (HR, 0.26). Müstəqil izləmə komitəsinin ölçdüyü trastuzumab deruxtecan median PFS müddətinə hələ çatılmamışdı.
• Trastuzumab deruxtecan ilə 12 aylıq PFS göstəricisi %75,8, T-DM1 ilə %34,1 idi.
• Artan effektivlik hormon reseptoru statusu, əvvəlki pertuzumab, visseral xəstəlik, əvvəlki müalicə xətlərinin sayı və beyin metastazının olub-olmaması daxil əvvəlcədən müəyyən edilmiş bütün alt qruplarda görüldü.
• 12-ci ayda təxmini ümumi sağqalmatrastuzumab deruxtecan ilə %94, T-DM1 ilə %85,9 idi (HR, 0,56; P = 0,007172). Hər iki qolda median ümumi sağqalmaya çatılmadı.
• Təsdiqlənmiş ümumi cavab göstəricisitrastuzumab deruxtecan ilə %79,7, T-DM1 ilə %34,2 idi (P < .0001).
• Nəticələr trastuzumab deruxtecan xəstələrinin %16,1-inin, T-DM1 ilə %8,7-sinin tam cavab verdiyini göstərdi. Trastuzumab deruxtecan alanların yalnız %1,1-ində irəliləmə oldu, T-DM1 qolunda isə %17,5-də.
• Median müalicə müddəti trastuzumab deruxtecan ilə 14,3 ay, T-DM1 ilə 6,9 ay idi.

≥3 dərəcəli dərmanla əlaqəli arzuolunmaz hadisələrtrastuzumab alanların %45.1-ində, T-DM1 alanların %39.8-ində oldu. Ən çox görülənlər neytropeniya, anemiya, leykopeniya, trombositopeniya, ürəkbulanma və yorğunluq idi.

Ciddi dərmanla əlaqəli hadisələr trastuzumab deruxtecan alanların %10,9-unda, T-DM1 alanların %6,1-ində oldu. Dərmanın dayandırılmasına səbəb olan dərmanla əlaqəli hadisələr müvafiq olaraq %12,8 və %5-də görüldü.

Trastuzumab deruxtecanın dayandırılması ilə əlaqəli ən çox hadisə %8,2-də görülən interstisial ağciyər xəstəliyi/pnevmonit idi. %2,7-də görülən trombositopeniya T-DM1 qolunda ən çox rast gəlinən səbəb idi.

Ümumilikdə trastuzumab deruxtecan alanların %10,5-ində dərmanla əlaqəli sayılan pnevmonit olduğunu, əksəriyyətin 1/2 dərəcəli və yalnız iki xəstədə 3 dərəcəli olduğunu bildirdi.

Müalicə ilə əlaqəli heç bir yan təsir ölümlə əlaqələndirilmədi.

Trastuzumab deruxtecan daha çox kimyaterapiya çatdırır

Hər iki məhsul anticisim-kimyaterapiya konjuqatıdırvə hər ikisində HER2 reseptorunatrastuzumab bağlanır, lakin xərçəng hüceyrələrinə fərqli kimyaterapiya çatdırılır.

Trastuzumab deruxtecan adətən süd vəzi xərçəngində işlədilməyən kimyaterapiya yükünə malikdir. T-DM1 ilə müqayisədə hər anticisimə bağlı kimyaterapiya molekulları iki dəfə çoxdur, buna görə hüceyrələrə daha çox dərman çatdırır.

Həmçinin parçalanan bağlayıcısı vardır. Bağlayıcı parçalandıqda qonşu hüceyrə təsiri yarada bilən və HER2-mənfi daxil qonşu hüceyrələri öldürən kimyaterapiyanı sərbəst buraxır.

Bu, HER2+ süd vəzi xərçəngində xüsusilə vacibdir, çünki şiş daxilində HER2+ ifadəsinin heterogen olduğunu bilirik.

Əvvəlki tədqiqatlardakı narahatlıqlardan biri bütün dərəcələrdə təxminən %16 xəstədə ağciyər toksikliyinin yaranması idi.

Bu gün həmin narahatlıqların çoxunu kənara qoya biləcəyimizi düşünürəm. Hazırkı sınaqda yüksək dərəcəli hallar olmadan daha az ağciyər toksikliyi hadisəsi görülməsi əvvəllər daha az xərçəng müalicəsi almış qrupla əlaqəli ola bilər.

Nəticə olaraqESMO 2021-in ən diqqətçəkən DESTINY-Breast03 məlumatları trastuzumab deruxtecanın ikinci xətt HER2+ metastatik süd vəzi xərçəngində yeni standart olmasını dəstəkləyir. HER2-müsbətlik yalnız süd vəzi deyil, mədə, ağciyər və kolon başda olmaqla başqa xərçəng alt növlərinə də aiddir. Yaxın dövrdə bu dərmanın digər HER2-müsbət xərçənglərdə effektivliyini göstərən yeni nəticələr görə bilərik.

Yaxın gələcəkdə süd vəzi xərçəngində trastuzumab deruxtecanın adyuvant, neoadyuvant və əməliyyatdan sonra qalıq xəstəliyi olanlarda effektivliyinə dair tədqiqat nəticələrini də görəcəyik.