Pandemiyaya baxmayaraq təsirli klinik tədqiqatlar: Avropa Xərçəng Konqresi ESMO 2021

Dünya üzrə onkologiya mütəxəssislərini bir araya gətirən iki böyük konqresdən biri olan Avropa Xərçəng Konqresi 2021, keçən ildən sonra bu il də COVID-19 pandemiyası səbəbindən virtual mühitdədir. Tədbir 17-21 sentyabr tarixlərində keçirilir.

Avropa Tibbi Onkologiya Cəmiyyəti (European Society for Medical Oncology, ESMO) yarandığı 1975-ci ildən bəri başda Avropa olmaqla dünyanın hər yerindən xərçəng tədqiqatlarını dəstəkləmək missiyasını yerinə yetirir.

Bu il ikinci dəfə virtual keçiriləcək konqres mövcud sağlamlıq böhranına və onun sağlamlıq tədqiqatlarına təsirinə baxmayaraq xərçəng tədqiqatlarının yenidən canlandığını sübut edir. Bu çox vacibdir, çünki pandemiya və məcburi qapanmalar klinik tədqiqatlara dərindən təsir etdi.

ESMO 2021-də önə çıxan müalicə yenilikləri

Bu il ESMO 2021-də ginekoloji (qadınlara xas) və qastrointestinal (mədə-bağırsaq) xərçənglərdə immunoterapiyanın getdikcə genişlənən rolu təqdim edilən klinik məlumatların əsas xüsusiyyətidir.

Konqresdə təqdim olunacaq klinik məlumatların böyük hissəsi müxtəlif xərçəng növlərində immun nəzarət nöqtəsi inhibitorları sinfindən immunoterapiyaların roluna diqqət yetirir.

Son illərdə ağciyər xərçəngi, melanoma və süd vəzi xərçəngi kimi bəzi xərçənglərdə molekulyar səciyyələndirmə (genetik təsnifat) və müalicə baxımından çoxlu mühüm yenilik əldə edildiyinə şahid olduq.

ESMO Konqresi 2021 mezotelioma, sarkoma və ilkin mənşəyi bilinməyən karsinoması (CUP) olan xəstələr üçün heyranedici nəticələrlə bütün şiş növləri üçün daha geniş molekulyar səciyyələndirmə (genetik test) ehtiyacına işıq tutacaq. Biomarker kəşfi və anlayışındakı inkişaf sayəsində artıq irəli baxmağın vaxtıdır. Həqiqətən də dünənədək təsəvvür edə bilmədiyimiz ağıllı dərmanların istifadəsinin sarkoma və nadir xərçənglərdə effektivliyi necə artıracağını öyrənmək həyəcanvericidir.

ESMO 2021 eyni zamanda erkən mərhələli ağciyər xərçəngi və melanomada əməliyyatdan sonrakı qoruyucu müalicələr üçün immunoterapiyanın qəbul edilməsi konqresi olacaq.

Nəhayət, bu, süd vəzi xərçəngində maraqla gözlənilən ümumi sağqalım məlumatlarının və ağciyər xərçəngində yeni ümidverici hədəflər və immun müalicələrin konqresi olacaq.

Ən çox diqqət çəkən 2 tədqiqat belədir:

• Yüksək riskli II mərhələ melanomanıntam cərrahi çıxarılmasından sonra pembrolizumabın (Keytruda) adyuvant istifadəsini plasebo ilə müqayisə edən tədqiqat olan KEYNOTE-716 və
• IB-IIIA mərhələ kiçik hüceyrəli olmayan ağciyər xərçəngindəadyuvant kimyaterapiyadan sonra ən yaxşı dəstəkləyici qayğı ilə atezolizumab (Tecentriq) immunoterapiyasını müqayisə edən IMpower010 tədqiqatının təhlilini əhatə edir.

Digər önə çıxan mövzular;

• Müalicəyə davamlı, təkrarlayan və ya metastatik serviks (uşaqlıq boynu) xərçəngində pembrolizumab + kimyaterapiya ilə plasebo + kimyaterapiyanı müqayisə edən faza III KEYNOTE-826 tədqiqatından əldə edilən nəticələr,
• İrəliləmiş mədə xərçəngi/qastroezofageal birləşmə xərçəngi/qida borusu adenokarsinomasında birinci sıra müalicə kimi nivolumab (Opdivo) + kimyaterapiya və ya ipilimumabı (Yervoy) kimyaterapiya ilə müqayisə edən CheckMate 649 tədqiqatının nəticələri,
• KRASG12C mutasiyası müsbət kolorektal xərçəngli xəstələrdə adagrasibin (MRTX849, Mirati Therapeutics) monoterapiya kimi və ya setuksimabla birləşdirilmiş faza 1/2 sınağı olan KRYSTAL-1tədqiqatından əldə edilən nəticələr,
• Sunitinib (Sutent) ilə plasebonu müqayisə edən bədxassəli proqressiv feoxromositoma və paraqanqliomaların ilk beynəlxalq randomizə edilmiş tədqiqatı olan FIRSTMAPPPtədqiqatından əldə edilən məlumatlar,
• Yüksək riskli metastatik olmayan prostat xərçəngi olan kişilərdə yalnız androgen basqılama müalicəsini (ADT) abirateron asetat + prednizolon ilə müqayisə edən (enzalutamidlə və ya onsuz)  STAMPEDE protokolundan birləşdirilmiş təhlil,
• Abirateron asetat + prednizon ilə ümumi sağqalımı araşdıran faza 3 sınağı olan PEACE-1tədqiqatına daxil edilmiş əvvəllər müalicə almamış irəliləmiş mərhələli kastrasiyaya həssas prostat xərçəngli kişilərdə əldə edilən nəticələr.

Xərçəng xəstələrinə COVID-19 peyvəndinin vurulması

Ötən il konqresin başqa diqqət mövzusu COVID-19 pandemiyasının xərçəng xəstələrinə təsirləri idi. Bu il isə COVID-19 pandemiyasının xərçəng xəstələrinə təsiri barədə məlumatlarla yanaşı, COVID-19 peyvəndinin xəstələrə və müalicələrinə təsirlərinin nəticələrini görəcəyik. Məsələn, TRACERx Renal tədqiqatının CAPTURE alt tədqiqatı SARS-CoV-2 infeksiyasına qarşı adaptiv immuniteti və xərçəng xəstələrində peyvəndləməni araşdırır.

Yenə həmin sessiyada solid (orqan) xərçənglərinə görə kimyaterapiya, immunoterapiya və ya kimya-immunoterapiya alan xəstələrdə SARS-CoV-2 əleyhinə peyvəndləmə barədə VOICE tədqiqatından əldə edilən məlumatlar təqdim ediləcək.

ESMO 2021-i yaxından izləyib tədqiqatların rəqəmsal nəticələrini və şərhlərimizi sizinlə bölüşəcəyik.