Baş-boyun xərçəngində immunoterapiya və radioterapiya ilə yeni müalicə seçimi

2020 Multidissiplinar Baş və Boyun Xərçəngləri Simpoziumunda təqdim edilən yeni faza II klinik tədqiqatda şüa müalicəsi və pembrolizumab kombinasiyasının yerli irəliləmiş baş və boyun yastı epitel hüceyrəli karsinoması olan xəstələrdə daha yaxşı sağqalım və qəbuledilən yan təsirlər yaratdığı göstərildi. Bu, radioterapiya ilə immunoterapiya kombinasiyası, sisplatin kimyaterapiyasına uyğun olmayan xəstələrə yeni müalicə seçimi verə bilər.

NƏTİCƏLƏRİN XÜLASƏSİ

• 1 illik proqressiyasız, yəni irəliləməsiz və ümumi sağqalım göstəriciləri müvafiq olaraq % 76 və % 86 idi.
• P16-müsbət orofarenks xərçəngi olanlarda 1 illik proqressiyasız və ümumi sağqalım müvafiq olaraq % 88 və % 94, digərlərində % 58 və % 75 idi.
• Yan təsirlər xəstələrin % 59-na təsir edən dərəcə 3-4 limfopeniya xaric yüngül, dərəcə 1-2 idi.

Qeyd: Baş-boyun xərçəngində immunoterapiya indiyədək yalnız 4-cü (irəliləmiş) mərhələdə FDA təsdiqi almışdı (baxın 4-cü mərhələ və ya təkrarlanan baş-boyun xərçənginin ən yaxşı ilkin müalicəsi nədir). Onkologiya dünyası bir müddətdir bu tədqiqat kimi daha erkən mərhələli baş-boyun xərçəngində radioterapiya ilə eyni vaxtlı immunoterapiya nəticələrini gözləyirdi.

Təkqollu tədqiqat adətən şüa ilə platin kimyaterapiyası alan, lakin əvvəlki eşitmə problemi səbəbindən yan təsirlərə dözməyən və çox vaxt daimi eşitmə itkisi riski olan xəstələr üçün xüsusi hazırlanıb. Mövcud böyrək və sinir zədəsi sisplatinlə ağırlaşmağa meyillidir, xəstəni daimi yan təsir riskinə salır.

Tədqiqatı təqdim edən Dr. Jared Weiss «Bu, geniş yayılmış dilemmadır, çünki sisplatin təsirli olsa da, xəstələr üçün xüsusilə toksik olmağa meyillidir və bəzilərində daimi yan təsir yarada bilər», dedi.

Tədqiqatın xülasəsi

Təkqollu tədqiqata yerli irəliləmiş yastıhüceyrəli baş-boyun xərçəngi olan 29 xəstə daxil idi. Sisplatinə uyğunsuzluq səbəbləri otopatologiya — eşitmə problemi, xəstələrin% 69.0-ı, nefropatiya — böyrək problemi % 20.7 və neyropatiya — sinir zədəsi % 6.9 idi.

Xəstələrə 6 həftə üç kurs pembrolizumab və eyni vaxtlı şüa müalicəsi, sonra əlavə üç pembrolizumab dövrü tətbiq edildi.

Orta 21 aylıq izləmədə 1 illik proqressiyasız və ümumi sağqalım % 76 və % 86 idi. Təxmini 2 illik proqressiyasız sağqalım % 71, ümumi sağqalım % 75 idi. P16-müsbət orofaringeal xərçənglilərdə 1 illik proqressiyasız və ümumi sağqalım müvafiq % 88 və % 94, digərlərində % 58 və % 75 idi.

Yan təsirlərin çoxu xəstələrin % 59-na təsir edən dərəcə 3-4 limfopeniya xaric yüngül, dərəcə 1-2 idi.

Dr. Weiss, «Bu yan təsir profili xəstələrin sisplatin və şüalanma ilə adətən yaşadığından yaxşıdır», dedi. «Əlavə müdaxilə tələb edən yüksək limfopeniya xaric yalnız şüa müalicəsində gördüyümüzlə daha uyğun idi».

Bu tədqiqat PD-1 inhibitoru sinfindən immunoterapiya dərmanlarınınerkən mərhələlərdə də təsirli olduğunu göstərən ilk tədqiqatlardandır.

Nəticə

Şüalanmanın xəstəni immunoterapiyaya həssas etdiyi və təsirini artıra bildiyinə inandırıcı nəticələr var. Əksi də doğrudur kimi görünür — şüa müalicəsinin işləməsi üçün funksional immun sisteminə ehtiyacı var və ümidimiz pembrolizumabın bu xəstələr üçün şüaya həssaslaşdırıcı ola bilməsidir.

Eyni vaxtlı pembrolizumab və radioterapiya p16 statusu və anatomik yerdən asılı olmadan uyğun yan təsir profili ilə yerli irəliləmiş yastıhüceyrəli baş-boyun xərçəngində yaxşı proqressiyasız və ümumi sağqalım göstərib və daha geniş klinik tədqiqata layiqdir.